ଭାଲେନସିଆ (ସ୍ପେନ):ଏଫଏଚଆଇ ମହିଳା ହକି ନେଶନ୍ସ କପରେ ଭାରତୀୟ ଦଳର ଦମଦାର ଆରମ୍ଭ । ଚିଲି ବିପକ୍ଷରେ ଖେଳିଥିବା ପ୍ରଥମ ମୁକାବିଲା ଜିତି ବିଜୟରୁ ଅଭିଯାନ ଆରମ୍ଭ କରିଛି ଭାରତୀୟ ଦଳ । 3-1ରେ ଚିଲିକୁ ପରାସ୍ତ କରିଛି ଭାରତ ।
ସବିତା ପୁନିଆଙ୍କ ନେତୃତ୍ବୀଧୀନ ଦଳ ମ୍ୟାଚର ଦ୍ବିତୀୟ ମିନିଟରେ ଗୋଲ କରିଥିଲା । ଭାରତ ପକ୍ଷରୁ କୁମାରୀ ସଙ୍ଗୀତା ପ୍ରଥମ ଗୋଲ କରିଥିଲେ । ସୋନିକା 10ତମ ମିନିଟରେ ଆଉ ଏକ ଗୋଲ କରିଥିଲେ । ଏହାପରେ 31ତମ ମିନିଟରେ ନବନୀତ କୌର ଆଉ ଏକ ଗୋଲ କରିଥିଲେ । ଚିଲି ପକ୍ଷରୁ ଭିଲାଗ୍ରାନ ଫେର୍ନାଣ୍ଡା 43ତମ ମିନିଟରେ ଏକ ପେନାଲ୍ଟି ଜରିଆରେ ସ୍କୋର କରିଥିଲେ । ଭାରତର ସମସ୍ତ ଗୋଲ ଫିଲ୍ଡ ଗୋଲ ଥିଲା । ଚିଲି ଯେତେ ଗୋଲ ପରିଶୋଧ କରିବାକୁ ଚେଷ୍ଟା କରିଥିଲେ ବି କରି ପାରି ନଥିଲା । ଫଳରେ 3-1ରେ ମ୍ୟାଚକୁ ଜିତି ନେଇଛି ଭାରତ ।