ନୂଆଦିଲ୍ଲୀ:ଚଳିତ ମାସ ଦ୍ବିତୀୟ ସପ୍ତାହରେ ଅଷ୍ଟ୍ରେଲିଆ ଗସ୍ତ କରିବ ବରିଷ୍ଠ ଭାରତୀୟ ମହିଳା ହକି ଦଳ । ସେଠାରେ ଘରୋଇ ଅଷ୍ଟ୍ରେଲିଆ ବିପକ୍ଷରେ 3 ମ୍ୟାଚ ବିଶିଷ୍ଟ ସିରିଜ ଖେଳିବ । ଏ ନେଇ ହକି ଇଣ୍ଡିଆ ପକ୍ଷରୁ ଅଷ୍ଟ୍ରେଲିଆ ଗସ୍ତ ଲାଗି 20 ଜଣିଆ ଭାରତୀୟ ମହିଳା ହକି ଦଳ ଘୋଷଣା ହୋଇଛି । ସବିତା ପୁନିଆଙ୍କ ହାତରେ ଦଳର କମାଣ ଥିବାବେଳେ ଓଡିଆ ଖେଳାଳି ଦୀପଗ୍ରେସ ଏକ୍କାଙ୍କୁ ଉପଅଧିନାୟକ ଦାୟିତ୍ବ ମିଳିଛି ।
ଏହା ବି ପଢନ୍ତୁ...PCBକୁ ଝଟକା: ପାକିସ୍ତାନରେ ହେବନି ଏସିଆ କପ୍ ! ହାଇବ୍ରିଡ୍ ମୋଡ୍ରେ ଆୟୋଜନକୁ ACCର ଅଗ୍ରାହ୍ୟ
ଘରୋଇ ଅଷ୍ଟ୍ରେଲିଆ ବିପକ୍ଷରେ ଭାରତ 3ଟି ମ୍ୟାଚ ଖେଳିବ । ଏହା ସହିତ ଅଷ୍ଟ୍ରେଲିଆ-ଏ ମହିଳା ଦଳ ବିପକ୍ଷରେ ମଧ୍ୟ ଭାରତ 2ଟି ମ୍ୟାଚ ଖେଳିବ । ମେ 18ତାରିଖରୁ ଏହି ସିରଜ ଆରମ୍ଭ ହେବ । ଏ ନେଇ ହକି ଇଣ୍ଡିଆ ପକ୍ଷରୁ 20 ଜଣିଆ ଭାରତୀୟ ମହିଳା ହକି ଦଳ ଘୋଷଣା କରାଯାଇଛି । ଗୋଲକିପର ସବିତା ପୁନିଆଙ୍କ ନେତୃତ୍ବରେ ଭାରତୀୟ ଦଳ ଏହି ସିରିଜ ଖେଳିବ । ଘୋଷିତ 20 ଜଣିଆ ଭାରତୀୟ ଦଳ ମଧ୍ୟରେ ଓଡିଶାର ଖେଳାଳି ଦୀପଗ୍ରେସ ଏକ୍କା ସ୍ଥାନ ପାଇଛନ୍ତି । ଦୀପଗ୍ରେସଙ୍କୁ ଉପଅଧିନାୟିତା ଦାୟିତ୍ବ ପ୍ରଦାନ କରାଯାଇଛି । ଦ୍ବିତୀୟ ଗୋଲରକ୍ଷକ ଭାବେ ବିଛୁଦେବୀ ଖାରିବାମଙ୍କୁ ସ୍ଥାନ ମିଳିଛି । ରକ୍ଷଣଭାଗରେ ଦୀପଗ୍ରେସଙ୍କ ବ୍ୟତୀତ ନିକ୍କି ପ୍ରଧାନ, ଇଶିକା ଚୌଧୁରୀ, ଉଦିତା ଓ ଗୁରଜିତ କୌର ରହିଛନ୍ତି ।