ଧାବିକା ହିମା ଦାସ ନେଲେ କୋରୋନା ଟିକାର ପ୍ରଥମ ଡୋଜ୍‌

ଭାରତୀୟ ଷ୍ଟାର ଧାବିକା ହିମା ଦାସ ନେଲେ କୋରୋନା ଟିକାର ପ୍ରଥମ ଡୋଜ୍‌ । ଅଧିକ ପଢନ୍ତୁ...

ହାଇଦ୍ରାବାଦ: ଭାରତୀୟ ଷ୍ଟାର ଧାବିକା ହିମା ଦାସ ନେଲେ କୋରୋନା ଟିକାର ପ୍ରଥମ ଡୋଜ୍‌ । ଟିକା ନେବାପରେ ଅନ୍ତର୍ଜାତୀୟ ଧାବିକା ହିମା ଫଟୋ ସେୟାର କରିବା ସହ ସମସ୍ତଙ୍କୁ ଟିକା ନେବାକୁ ଅପିଲ୍‌ କରିଛନ୍ତି ।

21 ବର୍ଷୀୟା ହିମା ବର୍ତ୍ତମାନ ଏନଆଇଏସ ପଟିଆଲାରେ ଟ୍ରେନିଂ ନେଉଛନ୍ତି । ଦେଶର ପ୍ରଥମ ଶୀର୍ଷ ଟ୍ରାକ ଓ ପିଲ୍ଡ ଆଥଲେଟ ଭାବେ ସେ କୋଭିଡ-19 ଟିକା ନେଇଛନ୍ତି ।

ଆଥଲେଟ୍ସମାନେ ବ୍ୟକ୍ତିଗତ ଭାବେ ପଞ୍ଜୀକରଣ କରି ଟିକା ନେଇପାରିବେ ବୋଲି ଭାରତୀୟ ଆଥଲେଟିକ୍ସ ଫେଡେରେସନ ଘୋଷଣା କରିଛି ।

2018 ଏସିଆନ ଗେମ୍ସ ମହିଳା 4x400 ମିଟର ଓ ମିକ୍ସଡ 4x400 ରିଲେ ସ୍ବର୍ଣ୍ଣ ବିଜେତା ଭାରତୀୟ ଟିମର ସଦସ୍ୟ ରହିଥିଲେ ହିମା । ତେବେ ଏଯାବତ ଟୋକିଓ ଅଲମ୍ପିକ୍ସ ଟିକେଟ ହାସଲ କରିପାରିନାହାନ୍ତି ।

ବ୍ୟୁରୋ ରିପୋର୍ଟ, ଇଟିଭି ଭାରତ