ହିମାଙ୍କ ମହାନତା; ଗରିବ ପିଲାଙ୍କ ପାଠପଢା ପାଇଁ ଦାନ କଲେ KBC ଉପାର୍ଜିତ ଧନ

ଆସାମ ଧାବିକା ହିମା ଦାସ କେବିସି କାର୍ଯ୍ୟକ୍ରମରୁ ଉପାର୍ଜିତ କରିଥିବା ଟଙ୍କାକୁ ଗରିବ ପିଲାଙ୍କୁ ପାଠପଢା ପାଇଁ ଦାନ କରିଛନ୍ତି। କେବିସିରୁ ହିମା ଜିତିଥିଲେ 6 ଲକ୍ଷ 25 ହଜାର ଟଙ୍କା ।

ଗୌହାଟୀ: ଭାରତର ଗୋଲ୍ଡେନ ଗାର୍ଲ ତଥା ଦ୍ରୁତ ଧାବିକା ହିମା ଦାସ ନିଜ ଆଥଲେଟିକ କ୍ୟାରିୟରକୁ ନେଇ ସର୍ବଦା ଚର୍ଚ୍ଚାରେ । ହେଲେ ଏବେ ସେ ଖେଳକୁ ନେଇ ନୁହେଁ, ବରଂ ଅନ୍ୟ କିଛି କାରଣ ପାଇଁ ସାଉଁଟିଛନ୍ତି ଭୂରି ପ୍ରଶଂସା । ହିମା, ଦୌଡରାଣୀ ଦୂତିଙ୍କ ସହ ପ୍ରଖ୍ୟାତ ରିୟାଲିଟି ଶୋ କୌନ ବନେଗା କରୋଡପତି ଯୋଗ ଦେଇଥିବାବେଳେ ସେଠାରୁ ଉପାର୍ଜିତ ନିଜ ଭାଗର ଧନରାଶିକୁ ଗରିବ ଛାତ୍ରଛାତ୍ରୀଙ୍କ ପାଠପଢା ପାଇଁ ଦାନ କରିଛନ୍ତି ।

ଗତ ନଭେମ୍ବର 1ତାରିଖରେ ହିମା, ଦୂତିଙ୍କ ସହ କେବିସିର ଏକ ସ୍ପେଶାଲ ଏପିସୋଡରେ ଭାଗ ନେଇ ମୋଟ 12 ଲକ୍ଷ 50ହଜାର ଟଙ୍କା ଜିତିଥିଲେ । ଉଭୟ ଧାବିକା ସେହି ଟଙ୍କାକୁ ଦୁଇ ଭାଗରେ ବିଭକ୍ତ କରିନେଇଥିଲେ । ହେଲେ ନିଜ ଫ୍ୟାନକ୍ଲବର ଅନୁରୋଧ ରକ୍ଷା କରି ଉପାର୍ଜିତ 6 ଲକ୍ଷ 25 ହଜାର ଟଙ୍କାକୁ ହିମା ଗରିବ ପିଲାଙ୍କ ପାଠପଢା ପାଇଁ ଦାନ କରିଛନ୍ତି ।