କେବିସି ପୁରସ୍କାର ରାଶି ଦାନ କଲେ ହିମା ଦାସ

‘କୌନ ବନେଗା କରୋରପତି’ ଖେଳି 12 ଲକ୍ଷ 50 ହଜାର ଟଙ୍କା ଅର୍ଥରାଶି ଜିତିଥିଲେ ଦୌଡ଼ରାଣୀ ଦୂତୀ ଚାନ୍ଦ ଏବଂ ଆସାମ ସ୍ପ୍ରିଣ୍ଟର ଆଥଲେଟ୍ ହିମା ଦାସ । ହିମା ଦାସ ନିଜର ପୁରସ୍କାର ରାଶି ଗରିବ ଲୋକଙ୍କ ନିକଟରେ ଦାନ କରିଛନ୍ତି ।

ହାଇଦ୍ରାବାଦ: ଆସାମର ସ୍ପ୍ରିଣ୍ଟର ଆଥଲେଟ୍ ହିମା ଦାସ ନିଜର ପୁରସ୍କାର ରାଶିକୁ ଗରିବଙ୍କୁ ଦାନ କରିଛନ୍ତି । ସୂଚନା ଅନୁସାରେ କିଛିଦିନ ତଳେ ଦୌଡ଼ରାଣୀ ଦୂତୀ ଚାନ୍ଦଙ୍କ ସହ ହିମା ଦାସ ସୋନି ଟିଭିର କାର୍ଯ୍ୟକ୍ରମ ‘କୌନ ବନେଗା କରୋରପତି’ ଖେଳିବାକୁ ଯାଇଥିଲେ । ସେଥିରେ ଉଭୟ ମିଶି 12 ଲକ୍ଷ 50 ହଜାର ଅର୍ଥରାଶି ବିଜୟ ହୋଇଥିଲେ ।

ଆସାମର ହିମା ଦାସ ଫ୍ୟାନ କ୍ଲବ ପକ୍ଷରୁ ହିମାଙ୍କ ପାଖକୁ ଏକ ଅନୁରୋଧ ଆସିଥିଲା । ଏହିକ୍ରମେ ହିମା ଦାସ କେବିସିରୁ ପାଇଥିବା ଟଙ୍କା ଉକ୍ତ ଫ୍ୟାନ କ୍ଲବକୁ ଦାନ କରିଛନ୍ତି । ହିମା ଦାସ ନିଜର ଫ୍ୟାନ କ୍ଲବକୁ ଶିକ୍ଷା ଏବଂ ଅନ୍ୟାନ୍ୟ ପ୍ରଶିକ୍ଷଣ ପାଇଁ ପ୍ରାୟ 6 ଲକ୍ଷ 25 ହଜାର ଟଙ୍କା ଦାନ କରି ଏବେ ଚର୍ଚ୍ଚାକୁ ଆସିଛନ୍ତି । ତାଙ୍କର ଏହି ମହାନ କାର୍ଯ୍ୟ ପାଇଁ ଏବେ ସାରା ଦେଶରୁ ପ୍ରଶଂସାର ସୁଅ ଛୁଟୁଛି ।