ହାଇଦ୍ରାବାଦ: ଆସାମ ଧାବିକା ହିମା ଦାସଙ୍କ ସ୍ବର୍ଣ୍ଣ ବିଜୟ ଯାତ୍ରା ଜାରି ରହିଛି । ଶନିବାର ସେ ପୁଣି ଏକ ସ୍ବର୍ଣ୍ଣ ପଦକ ହାସଲ କରିଛନ୍ତି । ତେବେ ଗତ ଦୁଇ ମାସ ମଧ୍ୟରେ ହିମାଙ୍କ ଏହା ଷଷ୍ଠ ଥର ପାଇଁ ସ୍ବର୍ଣ୍ଣ ହାତେଇଛନ୍ତି । ତେବେ ଚେଜ୍ ରିପବ୍ଲିକ୍ ଅଫ କୋରିଆରେ ଆୟୋଜିତ ହୋଇଥିବା ଆତେଲେଟିକୀ ମିଟିନିକ୍ ରିଟାଆର୍ର 300ମିଟିର ଇଭେଣ୍ଟରେ ଟପ୍ ସ୍ପଟ୍ ଅଧିକାର କରି ସ୍ବର୍ଣ୍ଣ ପଦକ ବିଜୟୀ ହୋଇଛନ୍ତି ।
ପ୍ରକାଶ ଥାଉକି, ଆସାମ ଧାବିକା ହିମା ଦାସ ନୋବେ ମେଷ୍ଟୋ ନାଡ ମିତୁଜି ଗ୍ରାଣ୍ଡ ପ୍ରିକ୍ସରେ 5ଟି ସ୍ବର୍ଣ୍ଣ ପଦକ ଜିତିଥିଲେ । ଯେଉଁଥିରେ ସେ 200 ମିଟର ଇଭେଣ୍ଟରେ 4ଟି ସ୍ବର୍ଣ୍ଣ ଓ 400 ମିଟର ଇଭେଣ୍ଟରେ ଗୋଟିଏ ସ୍ବର୍ଣ୍ଣ ପଦକ ଜିତିଥିଲେ ।
ତେବେ 400 ମିଟର ଦୌଡକୁ ହିମା ମାତ୍ର 52.09 ସେକେଣ୍ଡରେ ଅତିକ୍ରମ କରିଛନ୍ତି । 2ଜୁଲାଇରେ ପୋଲାଣ୍ଡରେ ହୋଇଥିବା ପୁଞ୍ଜନ ଆଥଲେଟିକ୍ସ ଗ୍ରାଣ୍ଡ ପିକ୍ସରେ, 200 ମିଟର ଇଭେଣ୍ଟରେ ସ୍ବର୍ଣ୍ଣ ଜିତିଥିଲେ ହିମା । 23.65 ସେକେଣ୍ଡରେ ପହଞ୍ଚି ହିମା ଏହି ସଫଳତା ପାଇଥିଲେ । ଏହାର 5 ଦିନ ପରେ ହିମା 2ୟ ସ୍ବର୍ଣ୍ଣ ପଦକ ଜିତିଥିଲେ । ଜୁଲାଇ 7ରେ କୁଟନୋ ଆଥଲେଟିକ୍ସ ମିଟରେ 200 ମିଟରକୁ 23.97ସେକେଣ୍ଡରେ ପହଞ୍ଚି କମାଲ କରିଥିଲେ ହିମା ।
ପରେ ଜୁଲାଇ 13ରେ ହିମା ଜିତିଥିଲେ 3ୟ ସ୍ବର୍ଣ୍ଣ । କ୍ଲାଡନୋ ଆଥଲେଟିକ୍ସ ମିଟରେ 23.43 ସେକେଣ୍ଡରେ 200 ମିଟର ଦୂରତାକୁ ପାର କରି ସେ ସ୍ବର୍ଣ୍ଣ ବିଜେତା ହୋଇଥିଲେ । ପରେ ତବୁର ଆଥଲେଟିକ୍ସ ମିଟରେ ହିମା ଭାରତ ପାଇଁ 4ର୍ଥ ସ୍ବର୍ଣ୍ଣ ପଦକ ହାସଲ କରିଥିଲେ । ତେବେ ଏହି ସ୍ବର୍ଣ୍ଣିମ ସଫଳତା ହିମାଙ୍କୁ ନିଆରା ପରିଚୟ ପ୍ରଦାନ କରିଛି । ମାତ୍ର 3 ସପ୍ତାହ ମଧ୍ୟରେ 5ଟି ସ୍ବର୍ଣ୍ଣ ପଦକ ଜିତି ଥିଲେ ।
