କାକିନଡା(ଆନ୍ଧ୍ର ପ୍ରଦେଶ): ଦ୍ବାଦଶତମ ହକି ଇଣ୍ଡିଆ ଜୁନିୟର ମହିଳା ନ୍ୟାସନାଲ ହକି ଚାମ୍ପିୟନସିପ୍ ୨୦୨୨ର ସେମିଫାଇନାଲରେ ପ୍ରବେଶ କରିଛି ହକି ଆସୋସିଏସନ ଅଫ୍ ଓଡିଶା । ସେମିଫାଇନାଲରେ ହକି ହରିୟାଣାକୁ ଭେଟିବ ଟିମ ଓଡିଶା । ଆନ୍ଧ୍ରପ୍ରଦେଶର କାକିନଡା ହକି ଷ୍ଟାଡିୟମରେ ଖେଳାଯାଉଥିବା ହକି ଇଣ୍ଡିଆର ଏହି ସମ୍ମାନଜନକ ପ୍ରତିଯୋଗିତାରେ ଟିମ ଓଡିଶାର ବିଜୟ ଧାରା ଜାରି ରହିଛି ।
କ୍ବାର୍ଟର-ଫାଇନାଲ ମୁକାବିଲାରେ ହକି ଚଣ୍ଡିଗଡକୁ ପେନାଲିଟି ସୁଟଆଉଟ୍ରେ ୨-୧ରେ ହରାଇ ସେମି ଟିକେଟ ହାତେଇଛି ଓଡିଶା । ନିର୍ଦ୍ଧାରିତ ସମୟ ମଧ୍ୟରେ କୌଣସି ଟିମ ଗୋଲ୍ କରିବାକୁ ସମର୍ଥ ହୋଇନଥିଲେ । ଫଳରେ ମ୍ୟାଚ୍ ୦-୦ରେ ଶେଷ ହୋଇଥିଲା ଓ ପେନାଲିଟି ସୁଟ୍ଆଉଟ୍ ମାଧ୍ୟମରେ ବିଜେତା ସ୍ଥିର ପାଇଁ ନିର୍ଣ୍ଣୟ ହୋଇଥିଲା ।