ହାଇଦ୍ରାବାଦ: 19ତମ ଏସୀୟ କ୍ରୀଡ଼ାରେ ଭାରତ ଶ୍ରେଷ୍ଠ ପ୍ରଦର୍ଶନ କରିଛି । ଏଥର 100 ପାର ସ୍ବପ୍ନ ନେଇ ଭାରତ ଯେଉଁ ମିଶନରେ ବାହାରିଥିଲା ତାହା ସତ ହୋଇଛି । ମୋଟ 107 ପଦକ ହାସଲ କରି ଐତିହାସିକ ସଫଳତା ହାସଲ କରିଛି । ଭାରତୀୟ ଆଥଲେଟ ହରମିଲନ ବେନ୍ସ ମହିଳା 800ମିଟର ଦୌ଼ଡକୁଦରେ ରୌପ୍ୟ ପଦକ ହାସଲ କରିଛନ୍ତି । ଏହାକ ଠିକ 21 ବର୍ଷ ପୂର୍ବେ ହରମିଲନ ବେନ୍ସଙ୍କ ମାଆ ମାଧୁରୀ ସିଂହ ଏସିଆନ ଗେମ୍ସ 2002 ସଂସ୍କରଣରେ ସମାନ ଇଭେଣ୍ଟରେ ରୌପ୍ୟ ପଦକ ହାସଲ କରିଥିଲେ । ଏସିଆନ ଗେମ୍ସରେ ଏହି ସଫଳ ମାଆ-ଝିଅଙ୍କ ଯୋଡିକୁ ନେଇ ଏବେ ଚର୍ଚ୍ଚା ।
2002 ଏସୀୟ କ୍ରୀଡ଼ା ସଂସ୍କରଣରେ ମହିଳା 800ମିଟର ଦୌ଼ଡକୁଦରେ ରୌପ୍ୟ ପଦକ ଜିତିଥିଲେ ହରମିଲନ ବେନ୍ସଙ୍କ ମାଆ ମାଧୁରୀ ସିଂହ । 2023 ସଂସ୍କରଣରେ ସମାନ ଇଭେଣ୍ଟରେ ମାଆଙ୍କ ରେକର୍ଡ ଭାଙ୍ଗି ରୌପ୍ୟ ପଦକ ଜିତିଛନ୍ତି ହରମିଲନ । ପଞ୍ଜାବ ହେସିଆରପୁର ଜିଲ୍ଲାର ହରମିଲନ ବେନ୍ସ ମାଆଙ୍କ ରେକର୍ଡ ଭାଙ୍ଗି ମହିଳା 800ମିଟର ଦୌଡରେ ରୌପ୍ଯ ସଫଳତା ହାସଲ କରି ଇତିହାସ ରଚିଛନ୍ତି । ଏହା ସହିତ 1500 ମିଟର ଦୌଡ଼ରେ ମଧ୍ୟ ସିଲଭର ମେଡାଲ ଜିତିଥିଲେ । ହରମିଲନ ବେନ୍ସ 800ମିଟର ଦୌଡକୁ 2ମିନିଟ 3.75 ସେକେଣ୍ଡରେ ଶେଷ କରି ମାଆ ମାଧୁରୀ ସିଂହଙ୍କ ରେକର୍ଡ ଭାଙ୍ଗିଥଲେ । 2002 ଏସିଆ ଗେମ୍ସ 14ତମ ସଂସ୍କରଣରେ ମାଧୁରୀ 800ମିଟର ଦୌଡକୁ 2 ମିନିଟ 4.4 ସେକେଣ୍ଡର ଶେଷ କରି ରୌପ୍ୟ ପଦକ ଜିତିଥିଲେ ।