ଭୁବନେଶ୍ବର:ଭାରତ ବିପକ୍ଷ FIH ପ୍ରୋ ଲିଗ ମ୍ୟାଚ୍ ପାଇଁ ଓଡିଶାରେ ପହଞ୍ଚିଲା ଜର୍ମାନୀ ପୁରୁଷ ହକି ଟିମ (Germany Men's team) । ଐତିହାସିକ କଳିଙ୍ଗ ହକି ଷ୍ଟାଡିୟମ ଭୁବନେଶ୍ବରରେ ଭାରତ ଓ ଜର୍ମାନୀ ମଧ୍ୟରେ ହାଇଭୋଲଟେଜ ମ୍ୟାଚ୍ ଖେଳାଯିବ । ଏପ୍ରିଲ ୧୪ ଓ ୧୫ ତାରିଖରେ ମ୍ୟାଚ୍ ଖେଳାଯିବା ନେଇ ସୂଚୀ ରହିଛି ।
ଜର୍ମାନୀ ବିପକ୍ଷରେ ପୂର୍ବରୁ ୨୨ଜଣିଆ ଭାରତୀୟ ପୁରୁଷ ହକି ଟିମ ଘୋଷଣା କରିସାରିଛି ହକି ଇଣ୍ଡିଆ । ଓଡିଆ ପୁଅ ତଥା ଭାରତୀୟ ହକି ଟିମର ସିନିୟର ଡିଫେଣ୍ଡର ଅମିତ ରୋହିଦାସଙ୍କ ନେତୃତ୍ବରେ ଖେଳିବ ଭାରତୀୟ ଟିମ । ଭାରତୀୟ ଟିମ FIH ହକି ପ୍ରୋ ଲିଗରେ ଏହି ସିଜିନରେ(FIH Pro League 2021-22) ଏଯାବତ ୧୦ଟି ମ୍ୟାଚ୍ ଖେଳିସାରିଛି । ୨୧ ପଏଣ୍ଟ ସହ ଟିମ ପଏଣ୍ଟ ଟେବୁଲର ଶୀର୍ଷରେ ରହିଛି । ଅନ୍ୟପଟେ ଜର୍ମାନୀ ୮ଟି ମ୍ୟାଚ୍ରୁ ୧୭ ପଏଣ୍ଟ ହାସଲ କରି ଦ୍ବିତୀୟ ସ୍ଥାନରେ ରହିଛି ।
ଜର୍ମାନୀ ବିପକ୍ଷରେ ଭାରତୀୟ ଟିମ:
ଗୋଲ୍କିପର: ପିଆର ଶ୍ରୀଜେଶ, କ୍ରୀଷନ ବାହାଦୂର ପାଠକ ।