କ୍ରୀଡାବିତଙ୍କ ପ୍ରଥମ ପସନ୍ଦ ବିଜେପି, ପଦ୍ମ ଧରିଲେ ସନ୍ଦୀପ-ଯୋଗେଶ୍ବର

ଭାରତୀୟ ହକି ଦଳର ପୂର୍ବତନ କ୍ୟାପଟେନ ସନ୍ଦୀପ ସିଂହ ଓ ଅଲମ୍ପିକ୍ସ ପଦକ ବିଜେତା କୁସ୍ତି ଯୋଦ୍ଧା ଯୋଗେଶ୍ବର ଦତ୍ତ ବିଜେପିରେ ଯୋଗ ଦେଇଛନ୍ତି ।

ହରିୟାଣା: ଚାଲିଛି ହରିୟାଣା ବିଜେପିର ମିଶ୍ରଣ ପର୍ବ । ଭାରତୀୟ ହକି ଦଳର ପୂର୍ବତନ କ୍ୟାପଟେନ ସନ୍ଦୀପ ସିଂହ ବିଜେପିରେ ମିଶିଛନ୍ତି । ହରିୟାଣା ରାଜ୍ୟ ବିଜେପି ସଭାପତି ସୁଭାଷ ବରାଳଙ୍କ ଉପସ୍ଥିତିରେ ପଦ୍ମ ଧରିଛନ୍ତି ସନ୍ଦୀପ ।

ଅନ୍ୟପଟେ ଅଲମ୍ପିକ୍ସ ପଦକ ବିଜେତା କୁସ୍ତି ଯୋଦ୍ଧା ଯୋଗେଶ୍ବର ଦତ୍ତ ମଧ୍ୟ ଭାରତୀୟ ଜନତା ପାର୍ଟିରେ ଯୋଗ ଦେଇଛନ୍ତି । ଉଭୟ ଖେଳାଳିଙ୍କୁ ହରିୟାଣା ବିଜେପି ପକ୍ଷରୁ ସ୍ବାଗତ କରାଯାଇଛି । ଦୁହେଁ ଆଗାମୀ ବିଧାନସଭା ନିର୍ବାଚନରେ ହରିୟାଣା ବିଧାନସଭା ପାଇଁ ବିଜେପି ଟିକେଟରେ ନିର୍ବାଚନ ଲଢିବା ସମ୍ଭାବନା ରହିଛି ।