ମିନେଆପଲିସ: ସାମ୍ନାକୁ ଆସିଲା ଆମେରିକାର ପୋଲିସ ହେପାଜତରେ ମୃତ୍ୟୁବରଣ କରିଥିବା ଜର୍ଜ ଫ୍ଳୋଏଡଙ୍କ ପୋଷ୍ଟମର୍ଟମ ରିପୋର୍ଟ । ରିପୋର୍ଟରୁ ଫ୍ଳୋଏଡ କୋରୋନା ଭାଇରସ ପଜିଟିଭ ଥିବା ଜଣାପଡିଛି । ମିନେଆପଲିସ ପୋଲିସ ହେପାଜତରେ ଥିବା କୃଷ୍ଣକାୟ ବ୍ୟକ୍ତି ଜର୍ଜ ଫ୍ଳୋଏଡଙ୍କ ମୃତ୍ୟୁକୁ ନେଇ ସାରା ଆମେରିକାରେ ବିକ୍ଷୋଭ ଦେଖାଦେଇଥିଲା ।
ପରିବାର ଲୋକଙ୍କ ସମ୍ମତି ସହ ଏକ 20 ପୃଷ୍ଠାର ମୃତଶରୀର ବ୍ୟବଚ୍ଛେଦ ରିପୋର୍ଟ ହନ୍ନେପିନ କଣ୍ଟ୍ରି ମେଡିକାଲ ଅଫିସରଙ୍କ ପକ୍ଷରୁ ଜାରି କରାଯାଇଛି । ରିପୋର୍ଟରେ ପ୍ଳୋଏଡ ହୃଦଘାତର ଶିକାର ହୋଇଥିଲେ ବୋଲି କୁହାଯାଇଛି । ଏଥିସହିତ 25 ତାରିଖ ଦିନ ମୃତ୍ୟୁକୁ ହତ୍ୟା ବୋଲି ଦର୍ଶାଯାଇଛି ।
ଏପ୍ରିଲ 3ରେ ଫ୍ଳୋଏଡଙ୍କ କୋରୋନା ଟେଷ୍ଟ ରିପୋର୍ଟ ପଜିଟିଭ ରହିଥିଲା ତେବେ, ତାଙ୍କଠାରେ କୌଣସି ଲକ୍ଷଣ ନଥିଲା ବୋଲି ମୁଖ୍ୟ ମେଡିକାଲ ଅଫିସର ଆଣ୍ଡ୍ରିୟୁ କବର କହିଛନ୍ତି ।