ପୋଟ୍ଚେଫଷ୍ଟ୍ରୋମ(ଦକ୍ଷିଣ ଆଫ୍ରିକା):ଜୁନିୟର ମହିଳା ହକି ବିଶ୍ବକପରେ ଭାରତର ଦମଦାର ପ୍ରଦର୍ଶନ । ଜର୍ମାନୀକୁ ୨-୧ରେ ହରାଇ କ୍ବାର୍ଟର-ଫାଇନାଲରେ ପ୍ରବେଶ କରିଛି ଟିମ ଇଣ୍ଡିଆ । ଭାରତ ପ୍ରଥମ ମ୍ୟାଚ୍ରେ ୱେଲ୍ସକୁ ୫-୧ ବଡ ବ୍ୟବଧାନରେ ହରାଇବା ପରେ ରବିବାର ଖେଳାଯାଇଥିବା ପୁଲ୍ D ଦ୍ବିତୀୟ ମ୍ୟାଚ୍ରେ ଜର୍ମାନୀକୁ ମଧ୍ୟ ପରାସ୍ତ କରିଛି । ଫଳରେ ଏହି ବିଜୟ ସହିତ ସମ୍ମାନଜନକ ବିଶ୍ବକପ ଟୁର୍ଣ୍ଣାମେଣ୍ଟର କ୍ବାର୍ଟର-ଫାଇନାଲରେ ଟିକେଟ ହାତେଇଛି ।
ଭାରତୀୟ ଗୋଲକିପର ବିଚୁଦେବୀ ଗୋଲପୋଷ୍ଟ ସାମ୍ନାରେ ଚମତ୍କାର ପ୍ରଦର୍ଶନ ସହ ବିଜୟରେ ପ୍ରମୁଖ ଭୁମିକା ନିଭାଇଛନ୍ତି । ଲାଲ୍ରେସିଆମି ଓ ମୁମତାଜ ଖାନ ଭାରତ ପକ୍ଷରୁ ଗୋଲ୍ ସ୍କୋର କରିଛନ୍ତି । ମ୍ୟାଚ୍ ଆରମ୍ଭରୁ ଭାରତୀୟ ଟିମ ଆକ୍ରମଣାତ୍ମକ ରଣନୀତି ନେଇ ଖେଳିଥିଲା । ମ୍ୟାଚ୍ର ଦ୍ବିତୀୟ ମିନିଟ୍ରେ ଲାଲ୍ରେସିଆମି ଆକର୍ଷଣୀୟ ଗୋଲ୍ କରିବା ସହ ଭାରତକୁ ୧-୦ରେ ଆଗୁଆ କରାଇଥିଲେ ।