ଦୋହା:ଫିଫା ବିଶ୍ବକପ 2022ରେ ଆର୍ଜେଣ୍ଟିନାକୁ ୨-୧ ଗୋଲ୍ରେ ମାତ୍ ଦେଇ ଚକିତ କରି ସାଉଦି ଆରବ । ଜଣାଶୁଣା ଫୁଟବଲ୍ ଷ୍ଟାର୍ ଲିଓନେଲ୍ ମେସୀଙ୍କ ନେତୃତ୍ବାଧୀନ ଆର୍ଜେଣ୍ଟିନା ଅତି ସହଜରେ ସାଉଦି ଆରବକୁ ମାତ ଦେବ ବୋଲି ଆକଳନ କରାଯାଉଥିଲା । ତେବେ ସମସ୍ତ ଆକଳନକୁ ଭୁଲ୍ ପ୍ରମାଣିତ କରି ମ୍ୟାଚ୍କୁ ହାତେଇ ନେଇଛି ସାଉଦି ଆରବ ।
ମ୍ୟାଚ୍ ଆରମ୍ଭରୁ ଦୁଇ ଦଳ ମଧ୍ୟରେ କଡ଼ା ଟକ୍କର ଦେଖିବାକୁ ମିଳିଥିଲା । ଆର୍ଜେଣ୍ଟିନାର ଡିଫେନ୍ସ ଭେଦ କରିବାକୁ ସକ୍ଷମ ହୋଇପାରୁନଥିଲେ ସାଉଦି ଆରବର ଷ୍ଟ୍ରାଇକର । ଏହାରି ମଧ୍ୟରେ ମ୍ୟାଚ୍ର ୧୬ତମ ମିନିଟ୍ରେ ଆର୍ଜେଣ୍ଟିନା ଅଧିନାୟକ ଲିଓନେଲ ମେସୀ ସାଉଦିକୁ ଏକ ଗୋଲ୍ ଦେଇ ଦଳକୁ ୧-୦ ଗୋଲ୍ର ଲିଡ୍ ଦେଇଥିଲେ । ଏହାପରେ ସାଉଦି ଫୁଟବଲରଙ୍କ ଖେଳିବା ଢଙ୍ଗ ବଦଳି ଯାଇଥିଲା ।
FIFA World Cup 2022: ସାଉଦି ଆରବର ଅପରିକଳ୍ପିତ ବିଜୟ, ୨-୧ରେ ହାରିଲା ଆର୍ଜେଣ୍ଟିନା
ଗୋଲ୍ ବରାବରକୁ କରିବାକୁ ବାରମ୍ବାର ଆର୍ଜେଣ୍ଟିନାର ଡିଫେନ୍ସ ଭେଦ କରିଥିଲେ ସାଉଦି ଫୁଟବଲର । ଶେଷରେ ମ୍ୟାଚ୍ର ୨୭ତମ ମିନିଟରେ ସାଉଦି ପକ୍ଷରୁ ମାର୍ଟିନେଜ୍ ଏକ ଗୋଲ୍ ଦେଇ ମ୍ୟାଚ୍କୁ ୧-୧ ଗୋଲ୍ରେ ବରାବର କରଥିଲେ । ମ୍ୟାଚ୍ର ପ୍ରଥାମର୍ଦ୍ଧ ପରେ ୫୩ତମ ମିନିଟ୍ରେ ସାଉଦି ପକ୍ଷରୁ ଆଲ୍ଦାୱାସରାଇ ଆଉ ଏକ ଗୋଲ୍ ଦେଇ ମ୍ୟାଚ୍ରେ ୨-୧ ଗୋଲ୍ର ଲିଡ୍ ନେଇଥିଲେ ।
ଏହାପରେ ଆଉ ମ୍ୟାଚ୍କୁ ଫେରି ପାରିନଥିଲା ଆର୍ଜେଣ୍ଟିନା । ଗୋଟିଏ ଦୁଇଟ ସୁଯୋଗ ପାଇଥିଲେ ସୁଦ୍ଧା ଏହାକୁ ଗୋଲ୍ରେ ପରିଣତ କରି ପାରିନଥିଲେ ଆର୍ଜେଣ୍ଟିନା ଫୁଟବଲର । ଏହାରି ମଧ୍ୟ ଷ୍ଟାର ଲିଓନେଲ୍ ମେସୀ ଆହତ ହୋଇ ଫିଲ୍ଡ ବାହାରକୁ ଚାଲି ଯାଇଥିଲେ । ଶେଷରେ ମ୍ୟାଚ୍ରେ ବିଜୟୀ ହୋଇଥିଲା ଆର୍ଜେଣ୍ଟିନା ।
