ନାଦାଲ ଜିତିଲେ ୨୧ତମ ଗ୍ରାଣ୍ଡସ୍ଲାମ ଟାଇଟେଲ, ଫେଡେରର-ଜୋକଭିକଙ୍କ ଶୁଭେଚ୍ଛା

ଷ୍ଟାର ଟେନିସ ଖେଳାଳି ରୋଜର ଫେଡେରର ଓ ନୋଭାକ ଜୋକିଭିକ ରବିବାର ଦୀର୍ଘ ପ୍ରତିନ୍ଦ୍ବନ୍ଦ୍ବି ରାଫେଲ ନାଦାଲଙ୍କୁ ୨୧ତମ ଗ୍ରାଣ୍ଡସ୍ଲାମ ଟାଇଟେଲ ବିଜୟ ପାଇଁ ଅଭିନନ୍ଦନ ଜଣାଇଛନ୍ତି । ଅଧିକ ପଢନ୍ତୁ

ହାଇଦ୍ରାବାଦ: ଷ୍ଟାର ଟେନିସ ଖେଳାଳି ରୋଜର ଫେଡେରର ଓ ନୋଭାକ ଜୋକିଭିକ ରବିବାର ଦୀର୍ଘ ପ୍ରତିନ୍ଦ୍ବନ୍ଦ୍ବୀ ରାଫେଲ ନାଦାଲଙ୍କୁ ୨୧ତମ ଗ୍ରାଣ୍ଡସ୍ଲାମ ଟାଇଟେଲ ବିଜୟ ପାଇଁ ଅଭିନନ୍ଦନ ଜଣାଇଛନ୍ତି । ରବିବାର ମେଲବୋର୍ଣ୍ଣରେ ମିରାକିଲ୍‌ କରିବା ସହ ନାଦାଲ ଅଷ୍ଟ୍ରେଲିଆନ ଓପନ ୨୦୨୨ ଟାଇଟେଲ ନିଜ ନାମରେ କରିଛନ୍ତି । ସଂଘର୍ଷପୂର୍ଣ୍ଣ ଫାଇନାଲ ମୁକାବିଲାରେ ଡାନିଲ ମେଡଭେଡେବଙ୍କୁ ୨-୬, ୬-୭(୫), ୬-୪, ୬-୪, ୭-୫ରେ ହରାଇ ଇତିହାସ ରଚିଛନ୍ତି ।

କିମ୍ବଦନ୍ତୀ ସ୍ପାନିସ ଟେନିସ ସୁପରଷ୍ଟାର ରୁଷିଆର ମେଡେଭେଡେବଙ୍କ ଠାରୁ ପ୍ରଥମ ଦୁଇଟି ସେଟ୍‌ରେ ପରାସ୍ତ ହୋଇଥିଲେ । ମାତ୍ର ୫ ଘଣ୍ଟା ୨୪ ମିନିଟ୍‌ ଧରି ଖେଳାଯାଇଥିବା ଏହି ମ୍ୟାଚ୍‌ରେ ନାଟକୀୟ ଢଙ୍ଗରେ ପରବର୍ତ୍ତୀ ତିନୋଟି ସେଟ୍‌ରେ ବିଜୟ ସହ ଟାଇଟେଲ ହାତେଇଥିଲେ ନାଦାଲ ।

ଏହି ଐତିହାସିକ ପ୍ରଦର୍ଶନ ସହ ନାଦାଲ ସର୍ବାଧିକ ସଂଖ୍ୟକ ପୁରୁଷ ସିଙ୍ଗଲ୍ସ ଗ୍ରାଣ୍ଡସ୍ଲାମ ଟାଇଟେଲ ଜିତିବାର ରେକର୍ଡ ନିଜ ନାମରେ କରିଛନ୍ତି । ଏଥିସହ ରୋଜର ଫେଡେରର ଓ ନୋଭାକ ଜୋକଭିକଙ୍କ ୨୦ ଗ୍ରାଣ୍ଡସ୍ଲାମକୁ ପାର୍‌ କରିଛନ୍ତି ।

IANS