ଜର୍ମାନୀ ଯିବେ ଦୌଡ଼ ରାଣୀ ଦୂତି ଚାନ୍ଦ

ୱାର୍ଲ୍ଡ ଚାମ୍ପିୟନସିପ କୁ ଉନ୍ନିତ ହେବା ପାଇଁ ଜର୍ମାନିରେ ଦୌଡିବେ ଦୂତି ଚାନ୍ଦ । ଜର୍ମାନୀର ଏକ ସ୍ପୋର୍ଟ୍ସ ଟ୍ରେନିଂ ପାଇଁ ଦୁଇ ସପ୍ତାହ ରହିବେ ଦୂତି ।

ଭୁବନେଶ୍ବର: କିଛିଦିନ ତଳେ ୱାର୍ଲ୍ଡ ୟୁନିଭରସିଆଡ ଗେମ୍ସରେ ସ୍ବର୍ଣ୍ଣ ପଦକ ପାଇ ଥିବା ଓଡ଼ିଶାର ସୁନା ଝିଅ ଦୂତି ଏବେ ଯିବେ ଜର୍ମାନୀ । ୱାର୍ଲ୍ଡ ଚାମ୍ପିୟନସିପରେ ନିଜ ସ୍ଥାନ ପକ୍କା କରିବାକୁ ହେଲେ 11.24 ସେକେଣ୍ଡରେ ଦୌଡିବାକୁ ହେବ ଦୂତିଙ୍କୁ । ତେଣୁ ଜର୍ମାନୀରେ ଦୂତି ୱାର୍ଲ୍ଡ ଚାମ୍ପିୟନସିପରେ ଦୌଡିବା ଆଶାକୁ ପୂରଣ କରିବା ପାଇଁ ଚେଷ୍ଟା କରିବେ ।

ଜର୍ମାନୀର ଏକ ସ୍ପୋର୍ଟ୍ସ ଟ୍ରେନିଂ ପାଇଁ ଦୁଇ ସପ୍ତାହ ରହିବେ ଦୁତି, କିଭଳି ନିଜର ଦୌଡିବା ଟାଇମିଙ୍ଗ ଆହୁରି ଭଲ ହେବ ତା ଉପରେ ଦୁତି ସେଠାରେ ଟ୍ରେନିଂ ନେବେ। ଏହାସହ ଏକ ଘରୋଇ ପ୍ରତିଯୋଗତାରେ ମଧ୍ୟ ଦୌଡିବେ ଦୂତି । ଆଗକୁ ଆସୁଥିବା ୱାର୍ଲ୍ଡ ଚାମ୍ପିୟନସିପ ପାଇଁ ନିଶ୍ଚିତ କ୍ବାଲିଫାଏ କରିବେ ବୋଲି କହିଛନ୍ତି ଦୁତି ।

ଭୁବନେଶ୍ବରରୁ ଶତରୂପା ସାମନ୍ତରାୟ, ଇଟିଭି ଭାରତ