ବର୍ମିଂହାମ(ଇଂଲଣ୍ଡ): ଶୁକ୍ରବାର ଭାରତ ପାଇଁ ଶୁଭଙ୍କର ସାବ୍ୟସ୍ତ ହୋଇଛି । ଚଳିତ କମନୱେଲ୍ଥ ଗେମ୍ସ 2022ରେ(Commonwealth Games 2022 ) ବିଜୟରୁ ଅଭିଯାନ ଆରମ୍ଭ କରିଛି ଭାରତ । ମହିଳା ଟେବୁଲ ଟେନିସ ଇଭେଣ୍ଟରେ ଡିଫେଣ୍ଡିଂ ଚାମ୍ପିଅନ ଭାରତ ଦମଦାର ବିଜୟ ହାସଲ କରିଛି । ମନିକା ବାତ୍ରାଙ୍କ ନେତୃତ୍ବରେ ଭାରତ, ପ୍ରତିଯୋଗିତାରେ ପ୍ରଥମ ବିଜୟର ସ୍ବାଦ ଚାଖିଛି । ମହିଳା ଟେବୁଲଟେନିସ ଇଭେଣ୍ଟରେ ଦକ୍ଷିଣ ଆଫ୍ରିକାକୁ 3-0ରେ ହରାଇଛି ଭାରତ ।
ଗ୍ରୁପ 2 ମହିଳା ଟିମ ଇଭେଣ୍ଟରେ ନ୍ୟାସନାଲ ଚାମ୍ପିଅନ ଶ୍ରୀଜା ଅକୁଳାଙ୍କ ସହିତ 2018 ଗୋଲ୍ଡକୋଷ୍ଟ କମନୱେଲ୍ଥ ଗେମ୍ସ ସ୍ବର୍ଣ୍ଣ ବିଜେତା ମନିକା ବିଜୟ ସହ ଆଗୁଆ ହୋଇଛନ୍ତି । ଡବଲ୍ସ ଯୋଡି ରିତ ଟେନିସନ ଓ ଶ୍ରୀଜା ଅକୁଳା ପ୍ରଥମେ ଦକ୍ଷିଣ ଆଫ୍ରିକାର ଲୈଲା ଏଡୱାର୍ଡସ ଓ ଡାନିସା ପଟେଲଙ୍କ ଯୋଡିକୁ 11-7, 11-7, 11-5ରେ ହରାଇଥିଲେ । ପରେ ମନିକା ଦକ୍ଷିଣ ଆଫ୍ରିକୀୟ ମୁସଫିକ କଲାମଙ୍କୁ 11-5, 11-3 ଓ 11-2ରେ ସିଙ୍ଗଲ୍ସ ମ୍ୟାଚ୍ରେ ହରାଇଛନ୍ତି ।