COVID-19: ଇଣ୍ଡିଆନ ସୁପର ଲିଗ୍‌ରେ କୋରୋନା, ଓଡିଶା ଏଫସି ମ୍ୟାଚ୍‌ ସ୍ଥଗିତ

ଇଣ୍ଡିଆନ ସୁପର ଲିଗ(ISL)ରେ ପଶିଲା କୋରୋନା । ଜଣେ ଖେଳାଳି COVID-19 ପଜିଟିଭ ଚିହ୍ନଟ ହେବାପରେ, ଓଡିଶା ଏଫସି ଓ ATK ମୋହୁନ ବଗାନ ମଧ୍ୟରେ ଶନିବାର ଖେଳାଯିବାକୁ ଥିବା ମ୍ୟାଚ୍‌ ନମ୍ବର ୫୩ ସ୍ଥଗିତ । ଅଧିକ ପଢନ୍ତୁ

ଫାଟୋର୍ଦା(ଗୋଆ): ଇଣ୍ଡିଆନ ସୁପର ଲିଗ(ISL)ରେ ପଶିଲା କୋରୋନା । ଜଣେ ଖେଳାଳି COVID-19 ପଜିଟିଭ ଚିହ୍ନଟ ହେବାପରେ, ଓଡିଶା ଏଫସି ଓ ATK ମୋହୁନ ବଗାନ ମଧ୍ୟରେ ଶନିବାର ଖେଳାଯିବାକୁ ଥିବା ମ୍ୟାଚ୍‌ ନମ୍ବର ୫୩ ସ୍ଥଗିତ ହୋଇଛି । ଫାଟୋର୍ଦାର PJN ଷ୍ଟାଡିୟମରେ ଏହି ମ୍ୟାଚ୍‌ ଖେଳାଯିବା ନେଇ ସୂଚୀ ରହିଥିଲା ।

"ATK ମୋହୁନ ବଗାନର ଜଣେ ଖେଳାଳି COVID-19 ପଜିଟିଭ ଜଣାପଡିବା ପରେ ISL ମେଡିକାଲ ଟିମର ପରାମର୍ଶ କ୍ରମେ ମ୍ୟାଚ୍‌ ସ୍ଥଗିତ ନିଷ୍ପତ୍ତି ହୋଇଛି ।" ଏନେଇ ଲିଗ୍‌ ପକ୍ଷରୁ ଏକ ଅଫିସିଆଲ ବିଜ୍ଞପ୍ତିରେ ଘୋଷଣା କରାଯାଇଛି ।

ଏହି ମ୍ୟାଚ୍‌ର ସୂଚୀ ଅନ୍ୟ ଏକ ତାରିଖରେ ପୁନଃ ନିର୍ଦ୍ଧାରିତ କରାଯିବ ।

ସମସ୍ତ ଖେଳାଳି ଓ ସପୋର୍ଟ ଷ୍ଟାଫ୍‌ଙ୍କ ସ୍ବାସ୍ଥ୍ୟ ଓ ସୁରକ୍ଷାକୁ ନିଶ୍ଚିତ କରିବାକୁ ମେଡିକାଲ ବିଶେଷଜ୍ଞ ଅନୁଧ୍ୟାନ କରୁଛନ୍ତି ।

ATK ମୋହୁନ ବଗାନ ଚଳିତ ISL ସଂସ୍କରଣରେ ୯ଟି ମ୍ୟାଚ୍‌ରୁ ୧୫ ପଏଣ୍ଟ ସହ ପଏଣ୍ଟ ଟେବୁଲର ଚତୁର୍ଥ ସ୍ଥାନରେ ରହିଛି । ଅନ୍ୟପଟେ ଓଡିଶା ଏଫସି ୯ଟି ମ୍ୟାଚ୍‌ରୁ ୧୩ ପଏଣ୍ଟ ସହ ଟେବୁଲର ସପ୍ତମ ସ୍ଥାନରେ ରହିଛି ।

ANI