ବର୍ମିଂହାମ: ଚଳିତ ରାଜ୍ୟଗୋଷ୍ଠୀ କ୍ରୀଡା(Commonwealth Games 2022) ଭାରତୀୟ କ୍ରୀଡାବିତଙ୍କ ଦମଦାର ପ୍ରଦର୍ଶନ ଦେଖିବାକୁ ମିଳିଛି । ବିଭିନ୍ନ ଇଭେଣ୍ଟରେ ପଦକ ପରେ ପରେ ହାତେଇଛନ୍ତି ଖେଳାଳି । ପାରା ଆଥଲେଟ ଭାବିନା ପଟେଲ ତାଙ୍କ ବିଜୟ ଧାରା ବଜାୟ ରଖିଛନ୍ତି । ମହିଳା ପାରା ଟେବୁଲ ଟେନିସ କ୍ଲାସ 3-5 ବର୍ଗରେ ଭାରତ ପାଇଁ ସ୍ବର୍ଣ୍ଣ ଜିତିଛନ୍ତି ଭାବିନା । ଟୋକିଓ ଅଲମ୍ପିକ୍ସରେ ରୌପ୍ୟ ଜିତିଥିଲେ ଭାବିନା ପଟେଲ ।
ନାଇଜେରିଆର ଇଫେଚୁକଉଡ କ୍ରିଷ୍ଟିଆନା ଇକପୋଇଙ୍କୁ 3-0ରେ ପରାସ୍ତ କରି ସ୍ବର୍ଣ୍ଣ ପଦକ ଜିତିଛନ୍ତି ଭାବିନା । ସେ 12-10,11-2 ଓ 11-9 ସେଟରେ ଏହି ମ୍ୟାଚ ଜିତିଛନ୍ତି । ଗୁଜୁରାଟର ମେହସାନା ଜିଲ୍ଲାର ସୁନ୍ଧିୟା ଗ୍ରାମରେ ଭାବିନାଙ୍କ ଜନ୍ମ । ଦିବ୍ୟାଙ୍କ ହୋଇ ମଧ୍ୟ ଦୃଢ ଆତ୍ମବିଶ୍ବାସ ଓ ପରିଶ୍ରମ ବଳରେ ସଫଳତା ହାସଲ କରିଛନ୍ତି ।