ନୂଆଦିଲ୍ଲୀ:ଆଇଏସଏସଏଫ ସୁଟିଂ ବିଶ୍ବ କପରେ ସ୍ବର୍ଣ୍ଣ ପଦକ ହାସଲ କଲେ ଭାରତୀୟ ଦଳ। 25 ମିଟର ଦଳୀୟ ପିସ୍ତଲ ସୁଟିଂ ଇଭେଣ୍ଟରେ ସ୍ବର୍ଣ୍ଣ ପଦକ ହାସଲ କରିଛନ୍ତି ଚିଙ୍କି ଯାଦବ, ମନୁ ଭାକର ଓ ରାହି ସର୍ଣ୍ଣୋବାତ । ସ୍ବର୍ଣ୍ଣ ପଦକ ରାଉଣ୍ଡରେ ପୋଲାଣ୍ଡର ଜୋନା ଲୌନା, ଜୁଲିତା ବୋରେକ ଓ ଆଗ୍ନେସ୍କା କର୍ଜୋଙ୍କ ସହ ମୁକାବିଲା ହୋଇଥିଲା।
17ଟି ସଠିକ ସଟ୍ ପରେ ଭାରତୀୟ ଖେଳାଳି ସ୍ବର୍ଣ୍ଣ ପଦକ ହାସଲ କରିବାକୁ ସକ୍ଷମ ହୋଇଥିଲେ। ଶେଷ ରାଉଣ୍ଡରେ ପୋଲାଣ୍ଡର ଖେଳାଳି କେବଳ 7ଟି ସଠିକ ସଟ ଖେଳିବାକୁ ସକ୍ଷମ ହୋଇଥିଲେ। ଗତ ବୁଧବାର ଦିନ ଚିଙ୍କି ଯାଦବ, ମନୁ ଭାକର ଓ ରାହି ସର୍ଣ୍ଣୋବାତ 25 ମିଟର ଇଣ୍ଡିଭିଜୁଆଲ ପିସ୍ତଲ ସୁଟିଂ ଇଭେଣ୍ଟରେ ସମସ୍ତ ତିନୋଟି ପଦକ ହାସଲ କରିବାକୁ ସକ୍ଷମ ହୋଇଥିଲେ।