ନରିନ୍ଦର ବାତ୍ରାଙ୍କ ବିରୋଧରେ ତଦନ୍ତ ଆରମ୍ଭ କଲା CBI

ଜାତୀୟ ଅଲମ୍ପିକ ସଂଘର ସଭପତି ନରିନ୍ଦର ବାତ୍ରାଙ୍କ ବିରୋଧରେ ତଦନ୍ତ ଆରମ୍ଭ କଲା CBI । ସେ ହକି ଇଣ୍ଡିଆର ୩୫ ଲକ୍ଷ ଟଙ୍କାର ଦୁରୁପଯୋଗ ବା ଅପବ୍ୟବହାର କରିଥିବା ଅଭିଯୋଗ ହୋଇଛି । ଅଧିକ ପଢ଼ନ୍ତୁ

ନୂଆଦିଲ୍ଲୀ:ଜାତୀୟ ଅଲମ୍ପିକ ସଂଘର ସଭପତି ନରିନ୍ଦର ବାତ୍ରାଙ୍କ ବିରୋଧରେ ତଦନ୍ତ ଆରମ୍ଭ କଲା CBI । ସେ ହକି ଇଣ୍ଡିଆର ୩୫ ଲକ୍ଷ ଟଙ୍କାର ଦୁରୁପଯୋଗ ବା ଅପବ୍ୟବହାର କରିଥିବା ଅଭିଯୋଗ ହୋଇଛି । ନରିନ୍ଦର ବାତ୍ରା ଏହି ଟଙ୍କା ବ୍ୟକ୍ତିଗତ ଖର୍ଚ୍ଚ ପାଇଁ ବ୍ୟବହାର କରିଥିବା ଅଭିଯୋଗ ହୋଇଛି ।

ବିଭିନ୍ନ ଟୁର୍ଣ୍ଣାମେଣ୍ଟରେ ଭାରତୀୟ ହକି ଦଳର ଖରାପ ପ୍ରଦର୍ଶନ ପରେ ହକି ଇଣ୍ଡିଆ ଓ ନରିନ୍ଦର ବାତ୍ରା ମଧ୍ୟରେ ଏକ ଶୀତଳ ଯୁଦ୍ଧ ଆରମ୍ଭ ହୋଇଯାଇଥିଲା । ହକି ଇଣ୍ଡିଆ ବ୍ୟାପାରରେ ନରିନ୍ଦର ବାତ୍ରାଙ୍କ ଅତ୍ୟଧିକ ହସ୍ତକ୍ଷେପ କରିବା ନେଇ ପ୍ରଶ୍ନ କରିଥିଲେ ଭାରତୀୟ ଅଲମ୍ପିଆନ ଅସଲାମ ଶେର ଖାନ ।

ବାରମ୍ବାର ବାତ୍ରାଙ୍କ ଏଭଳି କାର୍ଯ୍ୟ ପରେ ସେ ସନ୍ଦେହ ଘେରକୁ ଆସିଥିଲେ । ଏହାପରେ ତାଙ୍କ ବିରୋଧରେ ଏଭଳି ଅଭିଯୋଗ ଆସିଥିଲା । ଏହି ଅଭିଯୋଗ ପରେ ସିବିଆଇ ବା କେନ୍ଦ୍ରିୟ ତଦନ୍ତ ବ୍ୟୁରୋ ପ୍ରାଥମିକ ତଦନ୍ତ ଆରମ୍ଭ କରିଛି ।

ବ୍ୟୁରୋ ରିପୋର୍ଟ, ଇଟିଭି ଭାରତ