କଟକ: ସିଲଭରସିଟିକୁ ପୁଣି ଫେରିଲା ସ୍ପୋର୍ଟସ ମେଗା ଇଭେଣ୍ଟ । ଜବାହରଲାଲ ନେହେରୁ ଇଣ୍ଡୋର ଷ୍ଟାଡିୟମରେ ଖେଳାଯିବ ବିଗ ବାଉଟ ଵକ୍ସିଂ ଲିଗ । ଆଇପିଏଲ , ପ୍ରୋ କବାଡି ଲିଗ ଭଳି ଏହି ମ୍ୟାଚ ମଧ୍ୟ ଖେଳାଯିବ । ଓଡିଶା ୱାରିଅର୍ସ କଟକରେ ଆସନ୍ତା 2 ରୁ 8 ତାରିଖ ପର୍ଯ୍ୟନ୍ତ ମ୍ୟାଚ ସବୁ ଖେଳିବ ।
ତେବେ କଟକରେ ଭରପୁର ଆନନ୍ଦ ଉଠାଇବେ ଦର୍ଶକ ଓ କ୍ରୀଡାପ୍ରେମୀ । 2ଦିନ ପୂର୍ବରୁ ଭାରତୀୟ ଵକ୍ସିଂ ମହାସଂଘ ଆସି ଇଣ୍ଡୋର ଷ୍ଟାଡିୟମକୁ ଗ୍ରୀନ ସିଗନାଲ ଦେଇଛନ୍ତି । ଆସନ୍ତା ମାସ 2 ତାରିଖ ରୁ ଆରମ୍ଭ ହୋଇ 21 ତାରିଖ ପର୍ଯ୍ୟନ୍ତ ଚାଲିବ ଏହି ପ୍ରତିଯୋଗିତା । ଭାରତର 3ଟି ସହର ଦିଲ୍ଲୀ , ଲୁଧିଆନା ଓ କଟକରେ ସମସ୍ତ ମ୍ୟାଚ ଖେଳାଯିବା ନେଇ ଲକ୍ଷ୍ୟ ରଖିଛି ଭାରତୀୟ ଵକ୍ସିଂ ମହାସଂଘ ।
ସମୁଦାୟ 6 ଟି ଦଳ ଏହି ମେଗା ଇଭେଣ୍ଟରେ ସ୍ଥାନ ପାଇଛନ୍ତି । ସେମାନେ ହେଲେ ଓଡିଶା ୱାରିଅର୍ସ ,ପଞ୍ଜାବ ରୟାଲସ, ଅଦାନି ଗୁଜୁରାଟ ,ବେଙ୍ଗାଲୁରୁ ବ୍ରଲର୍ସ , ବମ୍ବେ ବୁଲେଟସ, ନର୍ଥଇଷ୍ଟ ରାଇନୋଜ । ପ୍ରତି ଦଳରେ 5ପୁରୁଷ,2 ମହିଳା ବକ୍ସର ରହିଛନ୍ତି । 7ଜଣ ଖେଳାଳି ମଧ୍ୟରେ 3 ବିଦେଶୀ ଖେଳାଳି ଅଛନ୍ତି ।
ଓଡିଶା ପ୍ରାଞ୍ଚାଇଜ ଓଡିଶା ୱାରିଅର୍ସ ତା'ର ସମସ୍ତ ମ୍ୟାଚ ଜବାହରଲାଲ ନେହେରୁ ଇଣ୍ଡୋର ଷ୍ଟାଡିଅମରେ ଖେଳିବ । ଯାହା 2 ତାରିଖରୁ ଆରମ୍ଭ ହୋଇ 8 ତାରିଖ ରେ ସରିବ । ଓଡିଶା ୱାରିଅର୍ସ ଦଳରେ ନିଖତ ଜରିନ, ନମନ ତନୱାର ଓ ବୋରିସ ଆଞ୍ଜେଲସ ପ୍ରମୁଖ ଖେଳାଳି ରହିଛନ୍ତି ବୋଲି ସୂଚନା ଦେଇଛନ୍ତି ରାଜ୍ୟ ଵକ୍ସିଂ ସଂଘର ସମ୍ପାଦକ ଅନୀଲ ବୋହିଦର ।
କଟକରୁ ପ୍ରଭୁକଲ୍ୟାଣ ପାଲ୍, ଇଟିଭି ଭାରତ
