ଭୁବନେଶ୍ବର:ଜାରି ରହିଥିବା ହକି ବିଶ୍ବକପ ୨୦୨୩ର ଷଷ୍ଠ ମ୍ୟାଚରେ ଶନିବାର କୋରିଆକୁ ୫-୦ ଗୋଲ୍ରେ ପରାସ୍ତ କରିଛି ବେଲଜିୟମ । ଭୁବନେଶ୍ବର କଳିଙ୍ଗ ଷ୍ଟାଡିୟମରେ ହୋଇଥିବା ଏହି ମୁକାବିଲାରେ କୋରିଆ ବିପକ୍ଷରେ ବେଲଜିୟମ ଏକତରଫା ବିଜୟ ହାସଲ କରିଛି ।
ମ୍ୟାଚରେ ବେଲଜିୟମ ପକ୍ଷରୁ ହେଣ୍ଡରିକ୍ସ ଆଲେକଜାଣ୍ଡର ୩୦ ମିନିଟରେ ପେନାଲ୍ଟି ଗୋଲ ଦେଇଥିଲେ । ୪୨ ମିନିଟରେ କୋସନି ଟାଙ୍ଗୁଏ ଫିଲ୍ଡ ଗୋଲ୍ ଦେଇଥିବାବେଳେ ଭାନ ଆଉବେଲ ଫ୍ଲୋରେଣ୍ଟ ୪୯ ମିନିଟରେ ପେନାଲ୍ଟି ଗୋଲ୍ ଦେଇଥିଲେ । ସେବଷ୍ଟାଇନ୍ ଡକ୍ଏର ୫୧ ମିନିଟରେ ଫିଲ୍ଡ ଗୋଲ୍ ଦେଇଥିଲେ । ଏହାପରେ ୫୭ ମିନିଟରେ ବେଲଜିୟମର ଅର୍ଥୁର ଡି ସ୍ଲୋଭର ଆଉ ଏକ ଗୋଲ ଦେଇଥିଲେ । କୋରିଆକୁ ୬ ଥର ପେନାଲ୍ଟି ଗୋଲ ଦେବାର ସୁଯୋଗ ମିଳିଥିଲେ ମଧ୍ୟ ଏହାର ଖେଳାଳିମାନେ ଏହାକୁ ଉପଯୋଗ କରିପାରି ନଥିଲେ ।