ଏସିଆନ କୁସ୍ତି ଚମ୍ପିଆନସିପ୍‌: ରୌପ୍ୟରେ ସନ୍ତୁଷ୍ଟ ବଜରଙ୍ଗ ପୁନିଆ

ବିଶ୍ବ ନମ୍ବର 1 ଭାରତୀୟ କୁସ୍ତିଯୋଦ୍ଧା ବଜରଙ୍ଗ ପୁନିଆ ଆହତ ହେବାପରେ ଫାଇନାଲରୁ ଓହରିଯାଇଥିଲେ । ଫଳରେ ରୌପ୍ୟରେ ସନ୍ତୁଷ୍ଟ ହେବାକୁ ପଡିଛି । ଅଧିକ ପଢନ୍ତୁ...

ନୂଆଦିଲ୍ଲୀ: ଏସିଆନ କୁସ୍ତି ଚମ୍ପିଆନସିପ୍‌ରେ ରୌପ୍ୟରେ ସନ୍ତୁଷ୍ଟ ହୋଇଛନ୍ତି ବିଶ୍ବ ନମ୍ବର 1 ଭାରତୀୟ କୁସ୍ତିଯୋଦ୍ଧା ବଜରଙ୍ଗ ପୁନିଆ । 65 କିଲୋଗ୍ରାମ ବର୍ଗରେ ଆହତ ବଜରଙ୍ଗ ଫାଇନାଲରୁ ଓହରିବା ପରେ ରୌପ୍ୟରେ ସନ୍ତୁଷ୍ଟ ହେବାକୁ ପଡିଛି ।

ଫାଇନାଲରୁ ବଜରଙ୍ଗ ଓହରିବା ପରେ ଜାପାନର ଟାକୁଟୋ ଓଟୁଗୁରୋ ଏସିଆନ ଚମ୍ପିଆନସିପ ତାଜ୍‌ ବିଜେତା ହୋଇଛନ୍ତି । ସ୍ପୋର୍ଟ୍ସ ଅଥରିଟି ଅଫ ଇଣ୍ଡିଆ ଟ୍ବିଟ ଯୋଗେ ବଜରଙ୍ଗଙ୍କୁ ଶୁଭେଚ୍ଛା ଜଣାଇଛି ।

ପୂର୍ବରୁ ରବି କୁମାର 57 କିଲୋଗ୍ରାମ ବର୍ଗରେ ସ୍ବର୍ଣ୍ଣ ପଦକ ବିଜେତା ହୋଇଥିଲେ । ଶୁକ୍ରବାର ଭିନେଶ ଫୋଗଟ ମଧ୍ୟ ଏସିଆନ କୁସ୍ତି ଚମ୍ପିଆନସିପରେ ନିଜର ପ୍ରଥମ ସ୍ବର୍ଣ୍ଣ ପଦକ ଜିତିଥିଲେ ।

ବ୍ୟୁରୋ ରିପୋର୍ଟ, ଇଟିଭି ଭାରତ