ହାଙ୍ଗଝୌ:ଏସୀୟ କ୍ରୀଡାର ଷଷ୍ଠ ଦିନରେ ଭାରତର ପଦକ ଅଭିଯାନ ଆରମ୍ଭ ହୋଇଛି । ଉଷୁରେ ଭାରତକୁ ରୌପ୍ୟ ପଦକ ମିଳିଛି । ଉଷୁ ମହିଳା 60 କେଜି ବର୍ଗ ଫାଇନାଲରେ ରୋଶିବିନା ଦେବୀ ନାଓରେମ ରୌପ୍ୟ ପଦକ ଜିତିଛନ୍ତି । ଏହା ସହିତ ଭାରତର ପଦକ ସଂଖ୍ୟା 23ରେ ପହଞ୍ଚିଛି । ସେଥିରେ 5ଟି ସ୍ବର୍ଣ୍ଣ, 8ଟି ରୌପ୍ୟ ଓ 10ଟି ବ୍ରୋଞ୍ଜ ମେଡାଲ ରହିଛି ।
ଉଷୁ ମହିଳା 60 କେଜି ବର୍ଗ ଫାଇନାଲରେ ପ୍ରବେଶ କରିଥିଲେ ରୋଶିବନା । ସେ ସେମି ଫାଇନାଲରେ ଭିଏତନାମର ଥି ଥୁ ଥ୍ବେ ନଗେନଙ୍କୁ 2-0ରେ ପରାସ୍ତ କରିଥିଲେ । ଫାଇନାଲରେ ସେ ଚୀନର ଊ ଜିଆୱେଇଙ୍କୁ ଭେଟିଥିଲେ । ଗତ 2018 ଏସିଆଡ ଗେମ୍ସରେ ରୋଶିବିନା ବ୍ରୋଞ୍ଜ ପଦକ ଜିତିଥିଲେ । ଏଥରେ ଦ୍ବିତୀୟ ସ୍ଥାନରେ ରହି ରୌପ୍ୟ ପଦକ ଜିତିଛନ୍ତି ।
ରୌପ୍ୟ ସଫଳତା ପରେ ରୋଶିବିନା କହିଛନ୍ତି, ମୁଁ ମୋର ଏହି ପଦକ ମୋର ମଣିପୁରବାସୀଙ୍କୁ ଉତ୍ସର୍ଗ କରୁଛି । ମଣିପୁରର ସେହି ପ୍ରତିଟି ଲୋକ ପାଇଁ ଏ ପଦକ। ମୁଁ ଆଜି ଏଠି ସେମାନଙ୍କ ପାଇଁ ପହଞ୍ଚିଛି । ମୁଁ ମୋର ଖେଳରେ ଶ୍ରେଷ୍ଠ ପ୍ରଦର୍ଶନ କରିଛି । ହାର ଜିତ ତ ଲାଗି ରହିଥାଏ । ଆଗକୁ ନଭେମ୍ବରରେ ଦେବାକୁ ଥିବା ବିଶ୍ବ ଚମ୍ପିଅନସିପରେ ଭଲ ପ୍ରଦର୍ଶନ କରିବି ।''
ଏହା ବି ପଢନ୍ତୁ...Asian Games: ଭାରତକୁ ଆଉ ଏକ ପଦକ, 50 ମିଟର ରାଇଫଲସ ମହିଳା ଟିମକୁ ରୌପ୍ୟ
ଏହା ବି ପଢନ୍ତୁ...Asian Games 2023: ଭାରତକୁ ଆଉ ଏକ ସ୍ବର୍ଣ୍ଣିମ ସଫଳତା, ପିସ୍ତଲ ଇଭେଣ୍ଟରେ ଭାରତକୁ ଦୁଇଟି ସ୍ୱର୍ଣ୍ଣ
ଗତକାଲି ଭାରତକୁ 2ଟି ସ୍ବର୍ଣ୍ଣ ପଦକ ସହ ମୋଟ 8ଟି ପଦକ ମିଳିଥିଲା । ବନ୍ଧୁକଚାଳନାରେ କମାଲ କରିଥିଲା ଭାରତ । ମହିଳା 25 ମିଟର ଏୟାର ପିସ୍ତର ଦଳ ସ୍ବର୍ଣ୍ଣ ପଦକ ଜିତିଥିଲା । 25 ମିଟର ପିସ୍ତଲରେ ରୌପ୍ୟ ପଦକ ଜିତିଥିଲେ ଈଶା ସିଂ । ସେହିପରି ମହିଳା 50 ମିଟର ରାଇଫଲରେ ରୌପ୍ୟ ପଦକ ମିଳିଥିଲା । ପୁରୁଷ ସ୍କିଟରେ ରୌପ୍ୟ ଜିତିଥିଲେ ସୁଟର ଅନନ୍ତଜିତ ସିଂ ନାରୁକା । ସ୍କିଟ୍ ବା ସଟଗନ ଚାଳନାରେ ପୁରୁଷ ଦଳ ବ୍ରୋଞ୍ଜ ପଦକ ଜିତିଥିଲା । ସେଲିଂରେ ବ୍ରୋଞ୍ଜ୍ ପଦକ ଜିତିଥିଲେ ବିଷ୍ଣୁ ସରଦାନନ ।
ଏହା ବି ପଢନ୍ତୁ...Asian Games 2023: ମହିଳା ହକି ଦଳର ବିଜୟ ଅଭିଯାନ, 13-0 ଗୋଲରେ ହାରିଲା ସିଙ୍ଗାପୁର
ଚୀନରେ ଚାଲିଥିବା 19ତମ ଏସୀୟ କ୍ରୀଡାରେ ଭାରତର ଦମଦାର ପ୍ରଦର୍ଶନ ଦେଖିବାକୁ ମିଳିଛି । ଆଜି ଷଷ୍ଠ ଦିନରେ ପଦକ ଅଭିଯାନ ଆରମ୍ଭ ହୋଇଛି । ଏଯାବତ ଭାରତ 5ଟି ସ୍ବର୍ଣ୍ଣ, 8ଟି ରୌପ୍ୟ ଓ 10ଟି ବ୍ରୋଞ୍ଜ ପଦକ ହାସଲ କରିଛି । ମୋଟ 23 ପଦକ ସହି ଭାରତ ତାଲିକାରେ ସପ୍ତମ ସ୍ଥାନରେ ରହିଛି । 141 ପଦକ ସହ ଆୟୋଜକ ଚୀନ ପ୍ରଥମ ସ୍ଥାନରେ ରହିଛି । ଦ୍ବିତୀୟ ସ୍ଥାନରେ ଦକ୍ଷିଣ କୋରିଆ, ତୃତୀୟ ସ୍ଥାନରେ ଜାପାନ, ଚତୁର୍ଥରେ ଉଜବେକିସ୍ତାନ, ପଞ୍ଚମରେ ଥାଇଲାଣ୍ଡ ଓ ଷଷ୍ଠରେ ହଂକଂ ରହିଛନ୍ତି ।
