Asian Games : ସୁଟିଂରେ ଆଉ ଏକ ସ୍ବର୍ଣ୍ଣିମ ସଫଳତା, ପୁରୁଷ ଟ୍ରାପ ଟିମ ଇଭେଣ୍ଟରେ ସ୍ବର୍ଣ୍ଣ ଜିତିଲା ଭାରତ

19 ତମ ଏସୀୟ କ୍ରୀଡାରେ ଭାରତକୁ ସୁଟିଂରେ ଆଉ ଏକ ସ୍ବର୍ଣ୍ଣ ପଦକ ମିଳିଛି । ପୁରୁଷ ଟ୍ରାପ ଟିମ ଇଭେଣ୍ଟରେ ସ୍ବର୍ଣ୍ଣ ଜିତିଲା ଭାରତ । ଅଧିକ ପଢନ୍ତୁ

ହଙ୍ଗଝୌ: ଚୀନରେ ପୁଣି ଉଡ଼ିଲା ତ୍ରିରଙ୍ଗା । ଚୀନ୍‌ରେ ଚାଲିଥିବା ଏସୀୟ କ୍ରୀଡ଼ାରେ ପୁଣି ସୁଟିଂରେ ଭାରତକୁ ଆଉ ଏକ ସ୍ୱର୍ଣ୍ଣିମ ସଫଳତା ମିଳିଛି । ସୁଟିଂରେ ଆଉ ଏକ ସ୍ୱର୍ଣ୍ଣ ପଦକ ଜିତିଛି ଭାରତ । ପୁରୁଷ ଟ୍ରାପ୍‌ ଇଭେଣ୍ଟରେ ସ୍ବର୍ଣ୍ଣ ଜିତିଛି ଭାରତ । ସେହିପରି ମହିଳା ଟ୍ରାପ ଇଭେଣ୍ଟରେ ଭାରତକୁ ରୌପ୍ୟ ପଦକ ମିଳିଛି । ଏହା ସହିତ ଭାରତର ପଦକ ସଂଖ୍ୟା 41ରୁ ବୃଦ୍ଧି ହୋଇଛି ଯେଉଥିରେ 11ଟି ସ୍ବର୍ଣ୍ଣ ପଦକ ରହିଛି ।

ପୁରୁଷ ଟ୍ରାପ ଇଭେଣ୍ଟରେ କାଇନାନ ଚେନାଇ, ଜୋରାଭର ସିଂହ, ପୃଥ୍ବୀରାଜ ଟୋଣ୍ଡାଇମାନ ସ୍ବର୍ଣ୍ଣିମ ସଫଳତା ଅର୍ଜନ କରିଛନ୍ତି । 361 ସ୍କୋର ସହ ରେକର୍ଡ କରି ସ୍ୱର୍ଣ୍ଣ ପଦକ ହାସଲ କରିଛନ୍ତି । ଦେଶ ପାଇଁ ସ୍ବର୍ଣ୍ଣିମ ସଫଳତା ଅର୍ଜନ କରିଥିବାରୁ ତାଙ୍କୁ ଶୁଭେଚ୍ଛାର ସୁଅ ଛୁଟିଛି । ସେହିପିର ମହିଳା ଟ୍ରାପ ଇଭେଣ୍ଟରେ ଭାରତକୁ ରୌପ୍ୟ ପଦକ ମିଳିଛି । ଏହି ଦଳରେ ମନୀଷା କିର, ପ୍ରୀତି ରାଜାକ୍‌, ରାଜେଶ୍ବରୀ କୁମୀର ରୌପ୍ୟ ପଦକ ଜିତିଛନ୍ତି । ବିଶେଷ କରି ଏସୀୟ କ୍ରୀଡ଼ାରେ ସୁଟିଂ ବା ବନ୍ଧୁକ ଚାଳନାରେ କମାଲ କରିଛନ୍ତି ଭାରତୀୟ । ସର୍ବାଧିକ ପଦକ ସୁଟିଂରେ ମିଳିଛି । ଏସୀୟ କ୍ରୀଡ଼ାରେ ଷଷ୍ଠ ଦିନରେ ଭାରତକୁ ପୁରୁଷ 50 ମିଟର ଏୟାର ରାଇଫଲ ଟିମ୍‌ ଇଭେଣ୍ଟ୍‌ରେ ସ୍ବର୍ଣ୍ଣ ପଦକ ମିଳିଥିବାବେଳେ ମହିଳା 10 ମିଟର ଏୟାର ପିସ୍ତଲ ଟିମ୍‌ ଇଭେଣ୍ଟରେ ରୌପ୍ୟ ପଦକ ମିଳିଥିଲା ।

19ତମ ଏସୀୟ କ୍ରୀଡ଼ାରେ ଏଯାବତ ଭାରତର ଦମଦାର ପ୍ରଦର୍ଶନ ଦେଖିବାକୁ ମିଳିଛି । ଅଷ୍ଟମ ଦିନରେ ଭାରତକୁ ସ୍ବର୍ଣ୍ଣିମ ସଫଳତା ସହ ରୌପ୍ୟ ପଦକ ମିଳିଛି । ଏଯାବତ ଭାରତ ମୋଟ 41 ପଦକ ସହ ତାଲିକାର ଚତୁର୍ଥ ସ୍ଥାନରେ ରହିଛି । ମୋଟ ପଦକରେ 11ଟି ସ୍ବର୍ଣ୍ଣ, 16ଟି ରୌପ୍ୟ ଓ 14ଟି କାଂସ୍ୟ ପଦକ ରହିଛି । ଆୟୋଜକ ଚୀନ ସର୍ବାଧିକ ପଦକ ସହ ଶୀର୍ଷରେ ଥିବାବେଳେ ଦ୍ବିତୀୟ ଓ ଦକ୍ଷିଣ କୋରିଆ ତୃତୀୟ ସ୍ଥାନରେ ରହିଛନ୍ତି । ସପ୍ତମ ଦିନରେ ଭାରତର ସ୍କ୍ବାସ୍‌ ପୁରୁଷ ଦଳ ସ୍ବର୍ଣ୍ଣ ପଦକ ସହ ଲଙ୍ଗ୍‌ ଡିଷ୍ଟାନ୍ସ ଇଭେଣ୍ଟ୍‌ର 10,000 ମିଟର ଦୌଡ଼ରେ କାର୍ତ୍ତିକଙ୍କୁ ରୌପ୍ୟ ଓ ଗୁଲବୀରଙ୍କୁ କାଂସ୍ୟ ପଦକ ମିଳିଥିଲା ।