ହାଙ୍ଗଝୌ: ଚୀନରେ ଉଡିଲା ତ୍ରିରଙ୍ଗା । 19ତମ ଏସୀୟ କ୍ରୀଡ଼ାରେ ସୁଟିଂରେ ଆଉ ଏକ ସ୍ବର୍ଣ୍ଣିମ ସଫଳତା ହାସଲ କରିଛି ଭାରତ । ପୁରୁଷ 50 ମିଟର ଏୟାର ରାଇଫଲ ଟିମ୍ ଇଭେଣ୍ଟ୍ରେ ସ୍ବର୍ଣ୍ଣ ପଦକ ହାସଲ କରିଛି ଭାରତ । ଏହା ସହିତ ମହିଳା 10 ମିଟର ଏୟାର ପିସ୍ତଲ ଟିମ୍ ଇଭେଣ୍ଟରେ ରୌପ୍ୟ ପଦକ ହାସଲ କରିଛନ୍ତି ଭାରତୀୟ କ୍ରୀଡ଼ାବିତ୍ । ଏହା ସହିତ ଭାରତର ପଦକ ସଂଖ୍ୟା 29ରେ ପହଞ୍ଚିଛି । ସେଥିରେ 8ଟି ସ୍ବର୍ଣ୍ଣ ପଦକ ରହିଛି । ଏହା ସହିତ ମହିଳା 10 ମିଟର ଏୟାର ପିସ୍ତଲ ପଲକ ସ୍ବର୍ଣ୍ଣ ପଦକ ଜିତିଛନ୍ତି ।
ଏହା ବି ପଢନ୍ତୁ...Asian Games: ପୁରୁଷ 10 ମିଟର ଏୟାର ପିସ୍ତଲ ଇଭେଣ୍ଟରେ ଭାରତକୁ ସ୍ୱର୍ଣ୍ଣ
ପୁରୁଷ 50ମିଟର ଏୟାର ରାଇଫଲ ଟିମ୍ ଇଭେଣ୍ଟରେ ପ୍ରତାପ ତୋମାର, ସ୍ବପ୍ନିଲ ଓ ଅଖିଲଙ୍କୁ ସ୍ବର୍ଣ୍ଣିମ ସଫଳତା ହାସଲ କରିଛନ୍ତି । ସେହିପରି ମହିଳା 10 ମିଟକ ଏୟାର ପିସ୍ତଲ ଟିମ୍ ଇଭେଣ୍ଟରେ ଈଶା ସିଂହ, ଦିବ୍ୟା ଥାଡିଗୋଲ ଓ ପଲକ ରୌପ୍ୟ ପଦକ ଜିତିଛନ୍ତି । ଏହି ସଫଳତା ପାଇଁ ଦୁଇ ଦଳକୁ ଶୁଭେଚ୍ଛାର ସୁଅ ଛୁଟିଛି । ସୁଟିଂରେ ଭାରତକୁ ଆଉ 2ଟି ପଦକ ମିଳିଛି । ମହିଳା 10 ମିଟର ଏୟାର ପିସ୍ତଲରେ ସ୍ବର୍ଣ୍ଣ ପଦକ ଜିତିଛନ୍ତି ପଲକ । ଅନ୍ୟପଟେ ସେହି ସମାନ ସୁଟିଂ ମହିଳା 10ମିଟର ସୁଟିଂରେ ଈଶା ସିଂହ ରୌପ୍ୟ ପଦକ ହାସଲ କରିଛନ୍ତି । ଈଶା ଏସୀୟ କ୍ରୀଡ଼ାରେ 4ଟି ପଦକ ହାସଲ କରିଛନ୍ତି । ସେ ଏହି ଟିମ୍ ଇଭେଣ୍ଟର ମଧ୍ୟ ରୌପ୍ୟ ପଦକ ହାସଲ କରିଥିଲେ । ସେହିପରି ପୁରୁଷ 50 ମିଟର ଏୟାର ରାଇଫଲ ଅଶ୍ବର୍ଯ୍ୟ ପ୍ରତାପ ତୋମାର ରୌପ୍ୟ ପଦକ ହାସଲ କରିଛନ୍ତି ।