ଦୋହା: ପୁଣି ଥରେ ଚମକିଛନ୍ତି ଓଡିଆ ସ୍ପିଣ୍ଟର ଦୂତୀ ଚାନ୍ଦ । ଓଡିଶାର ରୌପ୍ୟ ରାଣୀ ଦୂତୀ ଦମଦାର ବିଜୟ ରଚିଛନ୍ତି ନୂଆ ଜାତୀୟ ରେକର୍ଡ । ଏଠାରେ ଆଜିଠାରୁ ଆରମ୍ଭ ହୋଇଥିବା ୨୩ତମ ଏସିଆନ୍ ଆଥଲେଟିକ୍ସ ଚାମ୍ପିଅନସିପର ମହିଳା ୧୦୦ ମିଟର୍ ସେମିଫାଇନାଲରେ ସ୍ଥାନ ପକ୍କା କରିଛନ୍ତି ଦୂତୀ । ଏଥିସହିତ 11.28 ସେକେଣ୍ଡରେ ନିର୍ଦ୍ଧାରିତ ଦୂରତା ଅତିକ୍ରମ କରି ରଚିଛନ୍ତି ନୂଆ ଜାତୀୟ ରେକର୍ଡ ।
ଅନ୍ୟପଟେ ଆସାମର ସ୍ପିଣ୍ଟର ହିମା ଦାସ 400ମିଟର ଦୌଡ ଇଭେଣ୍ଟରେ ଆହତ ହେବା ଫଳରେ ଇଭେଣ୍ଟରୁ ବାଦ ପଡିଛନ୍ତି । ଗତବର୍ଷ ଜାକର୍ତ୍ତାରେ ଆୟୋଜିତ ଏସିଆନ୍ ଗେମ୍ସରେ ୪୦୦ ମିଟରକୁ ୫୦.୭୯ ମିନିଟରେ ଅତିକ୍ରମ କରି ରେକର୍ଡ ସ୍ଥାନ କରିଥିବା ହିମା ଆଜି ଭଲ ଆରମ୍ଭ କରିଥିଲେ । କିନ୍ତୁ କିଛି ବାଟ ଦୌଡ଼ିବା ପରେ ସେ ପିଠିରେ ଯନ୍ତ୍ରଣା ଅନୁଭବ କରିଥିଲେ ଏବଂ ଅଧାରୁ ହିଁ ଟ୍ରାକରୁ ବାହାରି ଆସିଥିଲେ।