ଦୋହା: ପୁଣି ଥରେ ଚମକିଛନ୍ତି ଓଡିଆ ସ୍ପ୍ରିଣ୍ଟର ଦୂତୀ ଚାନ୍ଦ । ଏଠାରେ ଖେଳାଯାଉଥିବା ଏସିଆନ୍ ଆଥଲେଟିକ୍ସ ଚମ୍ପିଆନସିପରେ ବ୍ରୋଞ୍ଜ ପଦକ ହାତେଇଛନ୍ତି ଓଡିଶାର ଦୌଡ ରାଣୀ ଦୂତୀ ଚାନ୍ଦ । 23.24 ସେକେଣ୍ଡରେ ନିର୍ଦ୍ଧାରିତ 200ମିଟର ଦୂରତା ଅତିକ୍ରମ କରି 3ୟ ସ୍ଥାନ ସହିତ ବ୍ରୋଞ୍ଜ ପଦକ ହାତେଇଛନ୍ତି ।
ତେବେ ମହିଳା 200 ମିଟର ଦୌଡ ଇଭେଣ୍ଟରେ ବାହାରିନ୍ର ସାଲୱା ନାସିର ପ୍ରଥମ ସ୍ଥାନ ଅଧିକାର କରିଥିବା ବେଳେ କଜାଖସ୍ତାନର ଓଲଗା ସାର୍ଫନୋଭା ଦ୍ବିତୀୟ ସ୍ଥାନରେ ରହିଛନ୍ତି । ସାଲୱା ନିର୍ଦ୍ଧାରିତ ଦୂରତାକୁ ୨୨.୭୪ ସେକେଣ୍ଡ ଓ ଓଲଗା ୨୨.୮୭ ସେକେଣ୍ଡରେ ଅତିକ୍ରମ କରି ଏହି ସଫଳତା ପାଇଛନ୍ତି ।
ଅନ୍ୟପକ୍ଷରେ ୧୫ ଶହ ମିଟର ଦୌଡ ଇଭେଣ୍ଟରେ ଭାରତର ପିୟୁ ଚିତ୍ରା ସ୍ୱର୍ଣ୍ଣ ପଦକ ଜିତିଛନ୍ତି । ସେ ନିର୍ଦ୍ଧାରିତ ଦୂରତାକୁ ୪:୧୪.୫୬ ସେକେଣ୍ଡରେ ଅତିକ୍ରମ କରି ଭାରତକୁ 3ୟ ସ୍ବର୍ଣ୍ଣ ଭେଟି ଦେଇଛନ୍ତି । ଦ୍ୱିତୀୟ ଓ ତୃତୀୟ ସ୍ଥାନରେ ବାହାରିନ୍ ଖେଳାଳି ରହିଛନ୍ତି।