ଦୋହା: ଦୀର୍ଘ 36 ବର୍ଷର ସ୍ବପ୍ନ ସାକାର ହୋଇଛି । ଲୁସାଇଲ ମଇଦାନରେ ଛାଇଗଲା ନୀଳ ଜର୍ସି ପିନ୍ଧିଥିବା ଆର୍ଜେଣ୍ଟିନା । ଅଦ୍ଭୂତ ବିଜୟ ପ୍ରତି ସେକେଣ୍ଡରେ ସଂଘର୍ଷ । ଟେଲିଭିଜନରେ ଦର୍ଶକଙ୍କ ଆଖି ଲାଖିଯାଇଥିଲା ଶେଷରେ 120 ମିନିଟର ଲଢେଇର ସେ ଅପେକ୍ଷାର ଅନ୍ତ ହେଲା । ଫ୍ୟାନ୍ସଙ୍କ ସମର୍ଥନରେ କମ୍ପିଲା ଷ୍ଟାଡିୟମ । ଆର୍ଜେଣ୍ଟିନାର ପ୍ରତି ଫ୍ୟାନ୍ସଙ୍କ ମୁହଁରେ ସେ ବିଜୟର ଖୁସି ଅବର୍ଣ୍ଣନୀୟ । ଚମ୍ପିଅନ ଚମ୍ପିଅନ ଆର୍ଜେଣ୍ଟିନା ଚମ୍ପଅନରେ କମ୍ପିଲା ଗ୍ରାଉଣ୍ଡ । ଚଳିତ ଫିଫା ବିଶ୍ବକପ ବିଜୟୀ ହୋଇଛି ଲିଓନେଲ ମେସିଙ୍କ ଆର୍ଜେଣ୍ଟିନା । ଡିଫେଣ୍ଡିଂ ଚମ୍ପିଅନ ଫ୍ରାନ୍ସକୁ 4-2 ଗୋଲରେ ପରାସ୍ତ କରି ଫିଫା ବିଶ୍ବକପ ଟ୍ରଫି ହାତେଇଛି ଆର୍ଜେଣ୍ଟିନା ।
ରୋମାଞ୍ଚକର ମୁକାବିଲାରେ ନିର୍ଦ୍ଧାରିତ ସମୟରେ 2-2 ଓ ଅତିରିକ୍ତ ସମୟରେ 3-3 ଗୋଲରେ ଖେଳ ବରାବର ରହିଥିଲା । ଫଳାଫଳ ନିର୍ଦ୍ଧାରଣ ପାଇଁ ହୋଇଥିବା ପେନାଲ୍ଟି ସୁଟଆଉଟରେ ଆର୍ଜେଣ୍ଟିନା 4ଟି ଗୋଲ କରିଥିବା ବେଳେ ଫ୍ରାନ୍ସ 2ଟି ଗୋଲ କରିଥିଲା । ଫଳରେ ଆର୍ଜେଣ୍ଟିନା ତୃତୀୟ ଥର ପାଇଁ ଫିଫା ମୁକୁଟ ପିନ୍ଧିଛି । ଆର୍ଜେଣ୍ଟିନା ପୂର୍ବରୁ 1978 ଓ 1986ରେ ଚମ୍ପିଅନ ହୋଇଥିଲା ।
ମ୍ୟାଚରେ ମେସିଙ୍କ ମ୍ୟାଜିକ ଦେଖିବାକୁ ମିଳିଥିଲା । ଆର୍ଜେଣ୍ଟିନା ପକ୍ଷରୁ ଲିଓନେଲ ମେସି 23ତମ ମିନିଟରେ ପେନାଲ୍ଟି ସୁଟରୁ ଓ ଅତିରିକ୍ତ ସମୟ 36 ତମ ମିନିଟରେ ଆଞ୍ଜେଲୋ ଡି ମାରିଆ ସ୍କୋର କରିଥିଲେ । ମ୍ୟାଚର 80 ମିନିଟ ଯାଏ ଫ୍ରାନ୍ସ ଗୋଲ କରି ପାରିନଥିଲା । ଫ୍ରାନ୍ସ ପକ୍ଷରୁ ଏମବାପ୍ପୋ ସମସ୍ତ 3ଟି ଯାକ ଗୋଲ କରିଥିଲେ । ଦଳ ପକ୍ଷରୁ ଏମବୋପ୍ପୋ ପ୍ରଥମ ଗୋଲ କରିଥିଲେ । ଜବାବରେ ଆର୍ଜେଣ୍ଟିନାର ମେସି ପ୍ରଥମ ପେନାଲ୍ଟି ମାରିଥିଲେ । ମ୍ୟାଚ 1-1 ସ୍ଥିତିରେ ରହିଥିଲା । ଫ୍ରାନ୍ସ ପକ୍ଷରୁ ଦ୍ବିତୀୟ ପେନାଲ୍ଟି ମାରିଥିଲେ କିଙ୍ଗସଭି କେମାନ । ତାଙ୍କ ଗୋଲକୁ ଅଟକାଇ ଦେଇଥିଲେ ଆର୍ଜେଣ୍ଟିନା ଗୋଲ କିପର । ଜବାବରେ ଆର୍ଜେଣ୍ଟିନା ପକ୍ଷରୁ ପାଉଲେ ଦ୍ବିତୀୟ ଗୋଲ କରିଥିଲେ । ଦଳ 2-1ରେ ଆଗୁଆ ଥିଲା ।
ଫ୍ରାନ୍ସ ପକ୍ଷରୁ ତୃତୀୟ ପେନାଲ୍ଟି ମାରିଥିଲେ ଆରେଲିଡ ଟାବେମେନି । ଜବାବରେ ଆର୍ଜେଣ୍ଟିନା ପକ୍ଷରୁ ଲିନତ୍ରୋ ପରେଦେସ ତୃତୀୟ ପେନାଲ୍ଟି ଗୋଲରେ ପରିଣତ କରିଥିଲେ । ଫଳରେ ଆର୍ଜେଣ୍ଟିନା 3-1ରେ ଆଗରେ ଥିଲା । ପୁଣି ଫ୍ରାନ୍ସ ପକ୍ଷରୁ ମୁଆନି ଚତୁର୍ଥ ପେନାଲ୍ଟି ଗୋଲ ପୋଷ୍ଟରେ ପହଞ୍ଚାଇ ସ୍ଥିତିକୁ 2-3ରେ ପହଞ୍ଚାଇଥିଲେ । ଜବାବରେ ଆର୍ଜେଣ୍ଟିନାର ଗେଞ୍ଜଲୋ ମନଟିଲ ଚତୁର୍ଥ ପେନାଲ୍ଟିକୁ ଗୋଲରେ ପରିଣତ କରିଥିଲେ । ରୋମାଞ୍ଚକର ମୁକାବିଲାରେ ନିର୍ଦ୍ଧାରିତ ସମୟରେ 2-2 ଓ ଅତିରିକ୍ତ ସମୟରେ 3-3 ଗୋଲରେ ଖେଳ ବରାବର ରହିଥିଲା । ଫଳାଫଳ ନିର୍ଦ୍ଧାରଣ ପାଇଁ ହୋଇଥିବା ପେନାଲ୍ଟି ସୁଟଆଉଟରେ ଆର୍ଜେଣ୍ଟିନା 4ଟି ଗୋଲ କରିଥିବା ବେଳେ ଫ୍ରାନ୍ସ 2ଟି ଗୋଲ କରିଥିଲା । ଫଳରେ ଆର୍ଜେଣ୍ଟିନା ତୃତୀୟ ଥର ପାଇଁ ନିଜ ନାମରେ ଫିଫା ଫୁଟବଲ ବିଶ୍ବକପ କରି ନେଇଛି ।