ଭୋପାଳ:ମଧ୍ୟପ୍ରଦେଶର ଭୋପାଳରେ ଜାରି ରହିଥିବା ଖେଲୋ ଇଣ୍ଡିଆ ୟୁଥ ଗେମ୍ସରେ ଓଡିଶା ଖେଳାଳିଙ୍କ ଭଲ ପ୍ରଦର୍ଶନ ଦେଖିବାକୁ ମିଳିଛି । ବିଭିନ୍ନ ଇଭେଣ୍ଟରେ ଦମଦାର ପ୍ରଦର୍ଶନ କରି ଓଡିଶାକୁ ପଦକ ଭେଟି ଦେଇଛନ୍ତି । ଗୁରୁବାର ଅନୁଷ୍ଠିତ ଇଭେଣ୍ଟରେ ଓଡିଶାକୁ ସ୍ବର୍ଣ୍ଣ ପଦକ ମିଳିଛି । ଟେନିସରେ ସ୍ବର୍ଣ୍ଣ ପଦକ ଜିତିଛନ୍ତି ଆରାଧ୍ୟା ବର୍ମା ଓ ସୋହିନୀ ସଞ୍ଜୟ ମହାନ୍ତି । ଫାଇନାଲରେ ଆୟୋଜନ ମଧ୍ୟପ୍ରଦେଶ ଯୋଡିକୁ ହରାଇ ଏହି ଯୋଡି ସ୍ବର୍ଣ୍ଣ ପଦକ ଜିତିଛନ୍ତି । ଉଭୟଙ୍କୁ ଟ୍ବିଟ୍ କରି ଓଡିଶା ସ୍ପୋର୍ଟ୍ସ ଶୁଭେଚ୍ଛା ଜଣାଇଛି ।
ମହିଳା ଡବଲ୍ସରେ ଏହି ଯୋଡି 7-6 (5), 6-6 (3) ସେଟରେ ମଧ୍ୟପ୍ରହେଶର ପେହାଲ ଖାରାଡକର ଓ ଅମିଶି ଶୁକ୍ଳା ଯୋଡିଙ୍କୁ ପରାସ୍ତ କରି ଚମ୍ପିଆନ ହୋଇଥିଲେ । ଏହାପୂର୍ବରୁ ସେମାନେ ସେମି ଫାଇନାଲରେ 7-5, 7-5ରେ ଏଚ. ନାଗପାଲ ଏବଂ ଜଗତଦେଓ ବର୍ମାଙ୍କୁ ପରାସ୍ତ କରିଥିଲେ । ସେହିପରି ରୋଇଂରେ ସୁମିତ କୁମାର ସ୍ବାଇଁ ଓ ରବି ବେଦୱାଲ ଯୋଡି ଜେଏମ 2 ଇଭେଣ୍ଟରେ ପ୍ରଥମ ସ୍ଥାନ ହାସଲ କରି ସ୍ବର୍ଣ୍ଣ ପଦକ ଜିତିଛନ୍ତି । ଏହି ମହିଳା ଇଭେଣ୍ଟରେ ଗୁରୁଶରନପ୍ରୀତ କୌର ଓ ଅରୁଣପ୍ରୀତ କୌର ଯୋଡି ଦ୍ବିତୀୟ ସ୍ଥାନରେ ରହି ରୌପ୍ୟ ପଦକ ଜିତିଛନ୍ତି ।