ହଙ୍ଗଝୌ: ଏସିଆନ ଗେମ୍ସରେ ଇତିହାସ ରଚିଲା ଭାରତ । ଭାରତୀୟ ଖେଳାଳିଙ୍କ ଦମଦାର ପ୍ରଦର୍ଶନରେ ଦେଶକୁ ଆଉ ଏକ ସ୍ବର୍ଣ୍ଣ ପଦକ ଭେଟି । ଅଶ୍ବ ଚାଳନାରେ 41 ବର୍ଷ ପରେ ଭାରତ ସ୍ବର୍ଣ୍ଣ ପଦକ ହାସଲ କରିଛି । ଭାରତୀୟ ଟିମ୍ର ସୁଦିପ୍ତୀ ହାଜେସ, ହୃଦୟ ଭିପୁଲ ଛେଡା, ଅନୁଶ ଅଗ୍ରୱାଲ ଏବଂ ଦିବ୍ୟକ୍ରିତି ସିଂହ ଅଶ୍ବ ଚାଳନାରେ ସ୍ବର୍ଣ୍ଣ ପଦକ ଜିତି ଭାରତ ପାଇଁ ଗୌରବ ଆଣିଛନ୍ତି ।
ତେବେ 209.205 ପଏଣ୍ଟ ପାଇ ଭାରତ ପ୍ରଥମ ସ୍ଥାନରେ ରହି ସ୍ବର୍ଣ୍ଣ ପଦକ ଅକ୍ତିଆର କରିଛି। ଏହା ପଛକୁ ଚୀନ 204.882 ପଏଣ୍ଟ ପାଇ ଦ୍ବିତୀୟ ସ୍ଥାନରେ ରହି ରୌପ୍ୟ ପଦକ ଏବଂ 204.852 ପଏଣ୍ଟ ପାଇ ହଂକଂ ଚାଇନା ତୃତୀୟ ସ୍ଥାନରେ ରହିଛି। ତେବେ ଏସିଆନ୍ ଗେମ୍ସରେ ଅଶ୍ବ ଚାଳନାରେ ଏହା ଭାରତର ଚତୁର୍ଥ ସ୍ବର୍ଣ୍ଣ ପଦକ। 1982 ମସିହାରେ ଦିଲ୍ଲୀରେ ଆୟୋଜିତ ହୋଇଥିବା ଏସିଆନ୍ ଗେମ୍ସରେ ଶେଷ ଥର ପାଇଁ ଭାରତ ଅଶ୍ବ ଚାଳନାରେ ସ୍ବର୍ଣ୍ଣ ପଦକ ହାସଲ କରିଥିଲା। ତେବେ ଦୀର୍ଘ 41 ବର୍ଷର ପ୍ରତୀକ୍ଷା ପରେ ପୁଣିଥରେ ଭରତକୁ ଏହି ସ୍ବର୍ଣ୍ଣ ପଦକ ମିଳିଛି। ତେବେ ଚଳିତ ଏସିଆନ ଗେମ୍ସରେ ଭାରତର ଏହା 3ୟ ସ୍ବର୍ଣ୍ଣ ପଦକ।
ଏହା ମଧ୍ୟ ପଢ଼ନ୍ତୁ...Asian Games 2023: ଭାରତକୁ ଆଉ 2 ପଦକ, ସେଲିଂରେ ନେହା ଠାକୁରଙ୍କୁ ରୌପ୍ୟ ସହ ଇବାଦଙ୍କୁ କାଂସ୍ୟ
ଏହା ମଧ୍ୟ ପଢ଼ନ୍ତୁ...Asian Games 2023: ରୋଇଂ ଓ ସୁଟିଂରେ ଭାରତକୁ ପଦକ, ରୌପ୍ୟ ପଦକ ହାତେଇଲେ ଆଥଲେଟ