ଟୋକିଓ:ଫାଇନାଲ ରାଉଣ୍ଡ ପୂର୍ବରୁ ଦ୍ବିତୀୟ ସ୍ଥାନରେ ଥିବା ଭାରତୀୟ ଗୋଲଫ୍ର ଅଦିତି ଅଶୋକ ପ୍ରତିଯୋଗିତା ଶେଷରେ ଚତୁର୍ଥ ସ୍ଥାନରେ ରହିବାକୁ ସହଜରେ ଗ୍ରହଣ କାରିପାରିନାହାନ୍ତି । ଅନ୍ୟ ଟୁର୍ଣ୍ଣାମେଣ୍ଟ ହୋଇଥିଲେ ହୁଏତ ସେ ଖୁସିରେ ଚତୁର୍ଥ ସ୍ଥାନରେ ରହିଥିବାରୁ ଖୁସିହୋଇଥାନ୍ତେ, ମାତ୍ର ଅଲମ୍ପିକ ଗୋଲଫ ପ୍ରତିଯୋଗିତାରେ ଜଣେ ଭାରତୀୟ ଭାବେ ଶ୍ରେଷ୍ଠ ପ୍ରଦର୍ଶନ କରିଥିଲେ ମଧ୍ୟ ଦୁଃଖିତ ବୋଲି କହିଛନ୍ତି ଅଦିତି ।
ଫାଇନାଲ ରାଉଣ୍ଡ ପୂର୍ବରୁ ଦ୍ବିତୀୟ ସ୍ଥାନରେ ଥିବା ଅଦିତି, ୩ଟି ପ୍ରୟାସରେ ୬୮ରୁ କମ ପଏଣ୍ଟ ହାସଲ କରିବା ମହଙ୍ଗା ସାବ୍ୟସ୍ତ ହୋଇଥିଲା । ଏହାପରେ ୨୩ ବର୍ଷିୟା ଅଦିତି ନିଜର ଫାଇନାଲ ରାଉଣ୍ଡ ପ୍ରଦର୍ଶନକୁ ନେଇ ଖୁସି ନଥିବା ଜାହିର କରିଛନ୍ତି । "ଅନେକ ଫେୟାରୱେଜ୍ ସୁଯୋଗ ହରାଇଲି, ଫ୍ରଣ୍ଟ ନାଇନରୁ ମାତ୍ର ଗୋଟିଏ ହିଟ୍ କରିପାରିଲି, ୩-୪ଟି ହିଟ୍ କରିବାର ଥିଲା । ଏହା ଖରାପ ଦିନ ଥିଲା, ଯାହା ମୋତେ ପଦକ ସ୍ଥାନରୁ ବାହାରକୁ ନେଇଗଲା । ପତାକା ନିକଟରେ ଥିଲେ ମଧ୍ୟ ପାଖରେ ପହଞ୍ଚିପାରିଲିନାହିଁ ।"
"ଏକ ପଦକ ନିଶ୍ଚୟ ଜିତିବାକୁ ଇଚ୍ଛା ରହିଥିଲା, ମାତ୍ର ଭାବୁଛି ଏହି ପ୍ରଦର୍ଶନରେ ସମସ୍ତେ ଖୁସି ଥିବେ । ରାଉଣ୍ଡକୁ ଯିବା ସମୟରେ ଏହା ବିଷୟରେ(ଲୋକମାନେ TVରେ ତାଙ୍କୁ ଦେଖୁଛନ୍ତି) ମୁଁ ଅଧିକ ଭାବିନଥିଲି", କହିଛନ୍ତି ଅଦିତି ।