ନୂଆଦିଲ୍ଲୀ: ହକି ଇଣ୍ଡିଆର 5ମ ବାର୍ଷିକ ପୁରସ୍କାର ସମାରୋହ ନୂଆଦିଲ୍ଲୀ ଠାରେ ଅନୁଷ୍ଠିତ ହୋଇଛି । ପୁରୁଷରେ ହାର୍ଦ୍ଦିକ ସିଂ ଓ ମହିଳାରେ ସବିତା ପୁନିଆ ହକି ଇଣ୍ଡିଆ ବଲବୀର ସିଂ ବର୍ଷର ଶ୍ରେଷ୍ଠ ଖେଳାଳି ବିବେଚିତ ହୋଇଛନ୍ତି । ଉଭୟଙ୍କୁ 25 ଲକ୍ଷ ଟଙ୍କା ଅର୍ଥ ରାଶି ସହ ଟ୍ରଫି ପ୍ରଦାନ କରାଯାଇଛି । ଗୁରୁବସ୍କ ସିଂଙ୍କୁ ମେଜର ଧ୍ୟାନଚାନ୍ଦ ଜୀବନବ୍ୟାପୀ ସାଧନା ପୁରସ୍କାର ସହି 30 ଲକ୍ଷ ଟଙ୍କା ଆର୍ଥିକ ରାଶି ମିଳିଛି । ଏହି ସମାରୋହରେ ହକି ଇଣ୍ଡିଆର କିମ୍ବଦନ୍ତୀ ଖେଳାଳିଙ୍କୁ ଦେଖିବାକୁ ମିଳିଥିଲା । ପୁରୁଷ ଦଳ ଅଧିନାୟକ ହର୍ମନପ୍ରୀତ ସିଂ ଏଫଆଇଏଚ ବର୍ଷର ଶ୍ରେଷ୍ଠ ଖେଳାଳି ଓ ଡିଫେଣ୍ଡର ଭାବେ ବିବେଚିତ ହୋଇଥିଲେ । ଶ୍ରୀଜେଶ ଶ୍ରେଷ୍ଠ ଗୋଲକିପର ଭାବେ ପୁରସ୍କୃତ ହୋଇଥିଲେ ।
ପଞ୍ଚମ ବାର୍ଷିକ ପୁରସ୍କାର ସମାରୋହରେ 2021-2022 ବର୍ଷର ପୁରସ୍କାର ବିଜେତାଙ୍କୁ ସମ୍ବର୍ଦ୍ଧିତ କରାଯାଇଥିଲା । 2022 ବିଜେତାଙ୍କ ମଧ୍ୟରେ ଜୀବନବ୍ୟାପୀ ସାଧନା ପୁରସ୍କାର ବିଜେତା ଗୁରବକ୍ସ ସିଂଙ୍କୁ ଟ୍ରଫି ସହ 30 ଲକ୍ଷ ଟଙ୍କା, ବର୍ଷର ଶ୍ରେଷ୍ଠ ଖେଳାଳି ହାର୍ଦ୍ଦିକ ଓ ସବିତାଙ୍କୁ 25 ଲକ୍ଷ ଲେଖାଏଁ ଟଙ୍କା ସହ ଟ୍ରଫି, ଶ୍ରେଷ୍ଠ ଯୁବ ଖେଳାଳି ଉତ୍ତମ ସିଂ ଓ ମମତାଜ ଖାନଙ୍କୁ 10 ଲକ୍ଷ ଲେଖାଏଁ ଟଙ୍କା ସହ ଟ୍ରଫି, ବନ୍ଦନା କାଟାରିଆଙ୍କୁ ବର୍ଷର ଶ୍ରେଷ୍ଠ ଫରୱାର୍ଡ (5ଲକ୍ଷ, ଟ୍ରଫି) ପ୍ରଦାନ କରାଯାଇଥିଲା । ସେହିପରି ମନଦୀପ ସିଂଙ୍କୁ ମିଡ ଫିଲ୍ଡର ଅଫ ଦି ଇୟର ପାଇଁ ହକି ଇଣ୍ଡିଆ ଅଜିତ ପାଲ ସିଂ ପୁରସ୍କାର ପ୍ରଦାନ କରାଯାଇଛି । ପୁରୁଷ ଅଣ୍ଡର 21ରେ ସଞ୍ଜୟଙ୍କୁ ଅଫ କମିଙ୍ଗ ପ୍ଲେୟାର ଅଫ ଦି ଇୟର ପାଇଁ ହକି ଇଣ୍ଡିଆ ଜୁଗରାଜ ସିଂ ପୁରସ୍କାର ପ୍ରଦାନ କରାଯାଇଛି । ମହିଳା ଅଣ୍ଡର 21ରେ ସାଲିମା ଟେଟେଙ୍କୁ ଅଫ କମିଙ୍ଗ ପ୍ଲେୟାର ଅଫ ଦି ଇୟର ପାଇଁ ସମ୍ବର୍ଦ୍ଧିତ କରାଯାଇଛି ।