କଟକ: ପ୍ରଥମେ ରାଜ୍ୟଗୋଷ୍ଠୀ ଟେବୁଲଟେନିସ ପରେ କଟକ ଇନଣ୍ଡୋର ଷ୍ଟାଡିୟମରେ ଆରମ୍ଭ ହୋଇଯାଇଛି 46ତମ ଜାତୀୟ ସବ-ଜୁନିୟର ବାସ୍କେଟବଲ ଚମ୍ପିଆନସିପ୍। ମୋଟ 25ଟି ରାଜ୍ୟରୁ 1000ରୁ ଊର୍ଦ୍ଧ୍ଵ ଖେଳାଳୀ ଏହି ମେଗା ଇଭେଣ୍ଟରେ ଅଂଶଗ୍ରହଣ କରିଛନ୍ତି । ଏହି ଟୁର୍ଣ୍ଣାମେଣ୍ଟ ଆସନ୍ତା 9 ତାରିଖ ପର୍ଯ୍ୟନ୍ତ ଖେଳାଯିବ।
ଉଭୟ ବାଳକ ଓ ବାଳିକା ବର୍ଗରେ 1000ରୁ ଊର୍ଦ୍ଧ୍ବ ଖେଳାଳୀ ରହିଛନ୍ତି । ଗୋଟିଏ ପରେ ଗୋଟିଏ ବଡ ଧରଣର ଇଭେଣ୍ଟ ଆୟୋଜନ କରି ଓଡିଶା ଦେଶର କ୍ରୀଡା ରାଜଧାନୀର ପରିଚୟ ଦେଉଛି । ଯାହା କ୍ରୀଡ଼ାପ୍ରେମୀଙ୍କୁ ବେଶ ଉତ୍ସାହିତ କରଛି। ତେବେ ଏହି ଟୁର୍ଣ୍ଣାମେଣ୍ଟ କଟକବାସୀଙ୍କ ଉଦ୍ଦେଶ୍ୟରେ ସମର୍ପିତ ବୋଲି ରାଜ୍ୟ ବାସ୍କେଟବଲ ସଂଘର ସମ୍ପାଦକ ଜ୍ଞାନ ରଞ୍ଜନ ପରିଡା କହିଛନ୍ତି ।
ଭିଡିଓ ସୌଜନ୍ୟ: ସମ୍ବାଦଦାତା କଟକ