ନୂଆଦିଲ୍ଲୀ:ସଦ୍ୟ ସମାପ୍ତ ହୋଇଥିବା ଟୋକିଓ ଅଲମ୍ପିକ୍ରେ ଦମଦାର ପ୍ରଦର୍ଶନ ସହ ସ୍ବଦେଶ ଫେରିଛି ଭାରତୀୟ ମହିଳା ହକି ଟିମ । ଅଳ୍ପକେ ଅଲମ୍ପିକ ପଦକରୁ ବଞ୍ଚିତ ହୋଇଥିବା ରାନୀ ରାମପାଲଙ୍କ ଟିମଙ୍କ ପ୍ରଦର୍ଶନ ସନ୍ତୋଷଜନକ ରହିଛି । ଅଲମ୍ପିକ ହକି ପ୍ରତିଯୋଗିତାରେ FIH ବିଶ୍ବ ମାନ୍ୟତାର ନବମ ସ୍ଥାନରେ ରହି ଖେଳିଥିବା ଟିମ ଶୀର୍ଷ ମାନ୍ୟତା ଟିମକୁ ଜବରଦସ୍ତ ଟକ୍କର ଦେଇଥିଲା ।
ବିଶ୍ବ କ୍ରୀଡାର ମହାକୁମ୍ଭରେ ମହିଳା ଟିମର ପ୍ରଦର୍ଶନ ଏହା ଦର୍ଶାଇଥିଲା ଯେ ଭାରତର ଅନ୍ୟତମ ପରିଚୟ ହକିର ଚମକ ଦେଶରେ ଏବେବି ରହିଛି । ମହିଳା ଟିମର ଲଢୁଆ ପ୍ରଦର୍ଶନକୁ ନେଇ ଟିମର ସହକାରୀ କୋଚ ବି. ଏସ୍ ଅଙ୍କିତା କହିଛନ୍ତି, "ଆମେ ପଦକ ହରାଇଲୁ ମାତ୍ର ହୃଦୟ ଜିତିଲୁ ।"