କୋଭିଲପଟ୍ଟି(ତାମିଲନାଡୁ):ଏକାଦଶତମ ହକି ଇଣ୍ଡିଆ ଜୁନିଅର ପୁରୁଷ ନ୍ୟାସନାଲ ଚାମ୍ପିଅନସିପ୍ ୨୦୨୧ରେ ଅପରାଜେୟ ରେକର୍ଡ ବଜାୟ ରଖିଲା ଉତ୍ତର ପ୍ରଦେଶ ହକି । ଫାଇନାଲରେ ହକି ଚଣ୍ଡିଗଡକୁ ୩-୧ ଗୋଲ୍ରେ ହରାଇ ଚାମ୍ପିଅନ ହୋଇଛି ଉତ୍ତର ପ୍ରଦେଶ ।
ଟୁର୍ନାମେଣ୍ଟର ସର୍ବାଧିକ ଗୋଲ୍ ସ୍କୋରର ସର୍ଦାନନ୍ଦ ତିୱାରୀ ଉତ୍ତର ପ୍ରଦେଶ ପାଇଁ ମ୍ୟାଚ୍ର ୧୫ତମ ମିନିଟ୍ରେ ପେନାଲିଟି କର୍ଣ୍ଣର ଜରିଆରେ ଗୋଲ୍ କରିଥିଲେ । ପରେ ଅରୁଣ ସାହାଣୀ(୧୬', ୩୪') ଦୁଇଟି ଗୋଲ୍ କରିଥିଲେ । ୫୧ତମ ମିନିଟ୍ରେ ମ୍ୟାଚ୍ର ଶେଷ ଭାଗରେ ହକି ଚଣ୍ଡିଗଡ ପାଇଁ ଏକମାତ୍ର ଗୋଲ୍ କରିଥିଲେ ରମଣ । ମାତ୍ର ଏହା ଉତ୍ତର ପ୍ରଦେଶକୁ ଟୁର୍ନାମେଣ୍ଟର ଚାମ୍ପିଅନ ହେବାକୁ ରୋକିପାରିନଥିଲା ।