କଟକ: ରାଜ୍ୟ ସରକାରଙ୍କୁ ଘାରିଛି ହକି ନିଶା । ରାଜଧାନୀ ଭୁବେନେଶ୍ବର ପରେ ଫୋକସରେ ସିଲ୍ଭର୍ ସିଟି। ଐତିହାସିକ ରେଭେନ୍ସା ବିଶ୍ବବିଦ୍ୟାଳୟର ନୂଆ କ୍ୟାମ୍ପସରେ ନିର୍ମାଣ ହେବାକୁ ଯାଉଛି ଏକ ହକି କମ୍ପ୍ଲେକ୍ସ । କଳିଙ୍ଗ ଷ୍ଟାଡିମୟ ପରି ଏଠାରେ ଖେଳାଯିବ ଜାତୀୟ ଓ ଅନ୍ତର୍ଜାତୀୟ ମ୍ୟାଚ । ଏହି ପ୍ରତିଶୃତି ଦେଇଛନ୍ତି ରାଜ୍ୟ କ୍ରୀଡ଼ାମନ୍ତ୍ରୀ ତୁଷାରକାନ୍ତୀ ବେହେରା।
ରେଭେନ୍ସାର ନୂଆ କ୍ୟାମ୍ପସ ନିର୍ମାଣ ସହ ଯୁଦ୍ଧକାଳୀନ ଭିତ୍ତିରେ ହକି କମ୍ପ୍ଲେକ୍ସର ନିର୍ମାଣ କରାଯିବ । ଆଉ ଏହି ହକି କମ୍ପ୍ଲେକ୍ସ ନିର୍ମାଣ ସହ କଟକ ଇତିହାସରେ ଯୋଡା ହେବ ଆଉ ଏକ ନୂଆ ଫର୍ଦ୍ଦ। ଆଉ ରେଭେନ୍ସାକୁ ଦେବ ନୂଆ ପରିଚୟ । ଜିଲ୍ଲାରୁ ବାହାରିବେ ଅନେକ ଯୁବ ପ୍ରତିଭା । ଅନ୍ୟପଟେ ରାଜ୍ୟ ସରକାରଙ୍କ ଏହି ଘୋଷଣାକୁ ଧନ୍ୟବାଦ ଜଣାଇଛି ହକି ଓଡିଶା ଆସୋସିଏସନ। ଦେଖିବାକୁ ବାକି ରହିଲା ଏହି ଘୋଷଣା କାଗଜ କଲମରେ ସୀମିତ ରହୁଛି, ନା ନିର୍ମାଣକାର୍ଯ୍ୟ ବି ତ୍ବରାନ୍ବିତ ହୋଇପାରୁଛି।
କଟକରୁ ପ୍ରଭୁକଲ୍ୟାଣ ପାଲଙ୍କ ରିପୋର୍ଟ, ଇଟିଭି ଭାରତ