ନୂଆଦିଲ୍ଲୀ: ଅଲମ୍ପିକ୍ରେ ଭାରତୀୟ ମହିଳା ହକି ଟିମ୍ର ପ୍ରଦର୍ଶନକୁ ପ୍ରଶଂସା କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । "ଅଳ୍ପକେ ପଦକରୁ ବଞ୍ଚିତ ହେବାକୁ ପଡିଲା, ବିଜୟ ପାଇଁ ସମସ୍ତ ଜୋର୍ ଲଗାଇବା ଓ ନିରନ୍ତର ନିଷ୍ଠାର ନୂଆ ଏକ ସ୍ତରରେ ପହଞ୍ଚିବା ନୂଆ ଭାରତର ଜୋଶ୍କୁ ଦର୍ଶାଉଛି" ବୋଲି କହିଛନ୍ତି ମୋଦି ।
ଇତିହାସ ରଚିଥିବା ଭାରତୀୟ ମହିଳା ହକି ଟିମର ପ୍ରଥମ ଅଲମ୍ପିକ ପଦକ ସ୍ବପ୍ନ ଅଧୁରା ରହିଗଲା । ବ୍ରୋଞ୍ଜ ପଦକ ମ୍ୟାଚରେ ଗ୍ରେଟ ବ୍ରିଟେନ ଠାରୁ ୩-୪ରେ ପରାଜିତ ହେଲା ଭାରତ । କଡା ସଂଘର୍ଷପୂର୍ଣ୍ଣ ମ୍ୟାଚରେ ବିଜୟରୁ ଅଳ୍ପକେ ବଞ୍ଚିତ ହେଲା ଟିମ ଇଣ୍ଡିଆ । ମାତ୍ର ମହିଳା ଟିମର ସମସ୍ତ ଖେଳାଳି ଲଢୁଆ ପ୍ରଦର୍ଶନରେ ଦେଶବାସୀଙ୍କ ହୃଦୟ ଜିତିନେଇଛନ୍ତି ।