ଜର୍ମାନୀ ଗସ୍ତରେ ଯିବ ଭାରତୀୟ ମହିଳା ହକି ଟିମ

ମଙ୍ଗଳବାର ଜର୍ମାନୀର ଡସେଲ୍‌ଡର୍ଫ ଅଭିମୁଖେ ଭାରତୀୟ ମହିଳା ହକି ଟିମର 18 ଜଣ ଖେଳାଳି ଓ 7ଜଣ ସପୋର୍ଟ ଷ୍ଟାଫ ଯାତ୍ରା କରିବେ । ଅଧିକ ପଢନ୍ତୁ...

ନୂଆଦିଲ୍ଲୀ:ଖୁବ ଶୀଘ୍ର ଜର୍ମାନୀ ଗସ୍ତରେ ଯିବେ ଭାରତୀୟ ମହିଳା ହକି ଟିମ । ରାନୀ ରାମପାଲଙ୍କ ନେତୃତ୍ବରେ ଟୋକିଓ ଅଲମ୍ପିକ୍ସ ପ୍ରସ୍ତୁତି ମ୍ୟାଚ ଭାବେ ଜର୍ମାନୀ ଜାତୀୟ ଦଳ ସହ ମହିଳା ହକି ଟିମ ଇଣ୍ଡିଆ 4ଟି ମ୍ୟାଚ ଖେଳିବାନେଇ ସୂଚୀ ରହିଛି ।

ପୂର୍ବରୁ ଆର୍ଜେଣ୍ଟିନା ଗସ୍ତରେ ଯାଇ 7ଟି ମ୍ୟାଚ ଖେଳିବା ସହ ଭଲ ପ୍ରଦର୍ଶନ କରିଥିଲା ଦଳ । ତେବେ ମଙ୍ଗଳବାର ଜର୍ମାନୀର ଡସେଲ୍‌ଡର୍ଫ ଅଭିମୁଖେ 18 ଜଣ ଖେଳାଳି ଓ 7ଜଣ ସପୋର୍ଟ ଷ୍ଟାଫ ଯାତ୍ରା କରିବେ ।

ବର୍ତ୍ତମାନ ସମସ୍ତ ଖେଳାଳି ନ୍ୟାସନାଲ କୋଚିଂ କ୍ୟାମ୍ପ ବେଙ୍ଗାଲୁରୁର ସାଇ ସେଣ୍ଟରରେ ରହିଛନ୍ତି । ଜର୍ମାନୀ ବିପକ୍ଷରେ ପ୍ରଥମ ମ୍ୟାଚ ଫେବ୍ରୁଆରୀ 27ରେ ଖେଳାଯିବା ନେଇ ସୂଚୀ ରହିଛି । ପରେ 28 ଫେବ୍ରୁଆରୀ, ମାର୍ଚ୍ଚ 2 ଓ ଶେଷ ମ୍ୟାଚ ମାର୍ଚ୍ଚ 4ରେ ଖେଳାଯିବାର ସୂଚୀ ରହିଛି ।

ବ୍ୟୁରୋ ରିପୋର୍ଟ, ଇଟିଭି ଭାରତ