ସାଣ୍ଟିଆଗୋ (ଚିଲେ): ଭାରତୀୟ ଜୁନିୟର ମହିଳା ହକି ଟିମର ଦମଦାର ପ୍ରଦର୍ଶନ ଜାରି ରହିଛି । ଚିଲେ ଗସ୍ତରେ ରହିଛି ଜୁନିୟର ମହିଳା ହକି ଟିମ ଇଣ୍ଡିଆ । ଗୁରୁବାର ସନ୍ଧ୍ୟାରେ ଖେଳାଯାଇଥିବା ମ୍ୟାଚରେ ଚିଲେ ସିନିୟର ମହିଳା ଟିମ ବିପକ୍ଷରେ ଗସ୍ତର ଚତୁର୍ଥ ମ୍ୟାଚ ଖେଳିଥିଲା ଜୁନିୟର ଭାରତୀୟ ଟିମ । ମ୍ୟାଚରେ ଚିଲେ ସିନିୟର ଟିମକୁ କଡା ଟକ୍କର ଦେବାସହ 2-2ରେ ମ୍ୟାଚ ଡ୍ର ରଖିଛି ।
ମ୍ୟାଚର 40ତମ ମିନିଟରେ ଦୀପିକା ଓ 55ତମ ମିନିଟରେ ଗଗନଦୀପ କୌର ଭାରତ ପକ୍ଷରୁ ଗୋଲ୍ କରିଥିଲେ । ଅନ୍ୟପଟେ ଚିଲେ ପକ୍ଷରୁ ମାରିଆନା ଡେଲ ଜେସସ ଲାଗୋସ 21ତମ ମିନିଟରେ ଓ ଫର୍ଣ୍ଣାଣ୍ଡା ଭିଲାଗ୍ରାନ 51 ତମ ମିନିଟରେ ଗୋଲ୍ କରିଥିଲେ ।