ନୂଆଦିଲ୍ଲୀ: ଆଗାମୀ ବର୍ଷ ବର୍ମିଂଘାମରେ ହେବାକୁ ଥିବା ରାଜ୍ୟଗୋଷ୍ଠୀ କ୍ରୀଡା (କମନ୍ୱେଲ୍ଥ ଗେମ୍ସ)ର ହକି ପ୍ରତିଯୋଗିତାରୁ ଓହରିଲା ଭାରତ । COVID-୧୯ ସମ୍ବଳିତ କାରଣ ଓ ବ୍ରିଟେନ ଯାତ୍ରା କରୁଥିବା ଭାରତୀୟ ନାଗରିକଙ୍କ ପାଇଁ ଭେଦଭାବପୂର୍ଣ୍ଣ କ୍ବାରେଣ୍ଟିନ ନିୟମ କାରଣରୁ ପ୍ରତିଯୋଗିତାରୁ ଓହରିଯାଇଛି ଭାରତ । ଦିନକ ପୂର୍ବରୁ ସମାନ କାରଣ ଦର୍ଶାଇ ଭୁବନେଶ୍ବରରେ ହେବାକୁ ଥିବା ପୁରୁଷ ଜୁନିଅର ହକି ବିଶ୍ବକପରୁ ଓହରିଯାଇଥିଲା ଇଂଲଣ୍ଡ ।
ହକି ଇଣ୍ଡିଆ ଅଧ୍ୟକ୍ଷ ଜ୍ଞାନେନ୍ଦ୍ର ନିଙ୍ଗୋମ୍ବାମ ଏକ ଚିଠି ମାଧ୍ୟମରେ ସଂଘର ନିଷ୍ପତ୍ତି ଭାରତୀୟ ଅଲମ୍ପିକ ଆସୋସିଏସନ(IOA)କୁ ଜଣାଇଛନ୍ତି ।
ହକି ଇଣ୍ଡିଆ ପକ୍ଷରୁ କମନ୍ୱେଲ୍ଥ ହକି ପ୍ରତିଯୋଗିତାର ଅନ୍ୟ ଏକ ପ୍ରମୁଖ କାରଣ ମଧ୍ୟ ଦର୍ଶାଯାଇଛି ଯେ, ଜୁଲାଇ ୨୮ରୁ ଅଗଷ୍ଟ ୮ପର୍ଯ୍ୟନ୍ତ ଖେଳାଯିବାକୁ ଥିବା ବର୍ମିଂଘାମ ଗେମ୍ସ ଓ ହାଙ୍ଗଜୋଉରେ ସେପ୍ଟେମ୍ବର ୧୦ରୁ ୨୫ ପର୍ଯ୍ୟନ୍ତ ହେବାକୁ ଥିବା ଏସିଆନ ଗେମ୍ସ ମଧ୍ୟରେ ମାତ୍ର ୨୩୨ ଦିନର ସମୟ ରହିଛି ।