ଭୁବନେଶ୍ବର: କଳିଙ୍ଗ ଷ୍ଟାଡିୟମରେ ଆରମ୍ଭ ହୋଇଯାଇଛି ହକି ପ୍ରୋ ଲିଗ୍ । ଭାରତୀୟ ହକି ଦଳ ଗତକାଲି ନେଦରଲ୍ୟାଣ୍ଡସ ବିପକ୍ଷରେ ଶାନଦାର୍ ପ୍ରଦର୍ଶନୀ କରି 5-2ଗୋଲ୍ରେ ଅତିଥି ଦଳକୁ ମାତ୍ ଦେଇଛି । ତେବେ ଗତକାଲି ସଂନ୍ଧ୍ୟା 7ଟାରେ ଉଭୟ ଦଳଙ୍କ ମଧ୍ୟରେ ମ୍ୟାଚ ହୋଇଥିବାବେଳେ ଆଜି କିନ୍ତୁ ମ୍ୟାଚ ସମୟରେ ପରିବର୍ତ୍ତନ କରାଯାଇଛି । ଆଜି ଉଭୟ ଦଳ ସଂନ୍ଧ୍ୟା 5ଟାରେ ମୁହାଁମୁହିଁ ହେବେ ।
ଏଫ୍ଆଇଏଚ୍ ପ୍ରୋ ଲିଗ୍: ଆଜି ଭାରତ-ନେଦରଲ୍ୟାଣ୍ଡସ ମଧ୍ୟରେ 2ୟ ମ୍ୟାଚ
ଭାରତ ବନାମ ନେଦରଲ୍ୟାଣ୍ଡସ । କଳିଙ୍ଗ ଷ୍ଟାଡିୟମରେ ଗତକାଲି ନେଦରଲ୍ୟାଣ୍ଡସ ଟିମକୁ ପରାସ୍ତ କରିବା ପରେ ଆଜି ଉଭୟ ଦଳ ସଂନ୍ଧ୍ୟା 5ଟାରେ 2ୟ ମ୍ୟାଚ ଖେଳିବେ ।
fih-pro-league
ତେବେ ଭାରତ ତା'ର ଘରୋଇ ଗ୍ରାଉଣ୍ଡରେ ପ୍ରଥମ ମ୍ୟାଚ ଜିତିଥିବାରୁ ଆଜି ଟିମର ଆତ୍ମବିଶ୍ବାସ ଦୃଢ ରହିବ । ଅନ୍ୟପଟେ ଭ୍ରମଣକାରୀ ଦଳ ନେଦରଲ୍ୟାଣ୍ଡସ ଗତକାଲିର ପରାଜୟର ପ୍ରତିଶୋଧ ନେବା ଲକ୍ଷ୍ୟରେ ଗ୍ରାଉଣ୍ଡକୁ ଓହ୍ଲାଇବ ।
ଏଫ୍ଆଇଏଚ୍ ପ୍ରୋ ଲିଗ୍ରେ ଭାରତୀୟ ଟିମ ଗତକାଲି ମ୍ୟାଚରେ ନେଦରଲ୍ୟାଣ୍ଡସକୁ 5-2ଗୋଲ୍ରେ ପରାସ୍ତ କରିଛି । ଭାରତୀୟ ଟିମ ପକ୍ଷରୁ ରୁପିନ୍ଦର ସିଂ 2ଟି ଗୋଲ୍ ଦେଇଥିବାବେଳେ ଗୁରଜାନ୍ତ ସିଂ,ମନଦୀପ ସିଂ ଓ ଲଳିତ ଉପାଧ୍ୟାୟ ଗୋଟିଏ ଲେଖାଏଁ ଗୋଲ୍ ଦେଇ ବିପକ୍ଷ ଦଳକୁ ପରାସ୍ତ କରିଥିଲେ ।