ଭୁବନେଶ୍ବର: ଆଜିଠୁ ଆରମ୍ଭ ହେଉଛି କଳିଙ୍ଗ ଷ୍ଟାଡିୟମରେ ଏଫଆଇଏଚ ଅଲମ୍ପିକ କ୍ବାଲିଫାୟାର ମ୍ୟାଚ । ଉଭୟ ଭାରତୀୟ ପୁରୁଷ ଓ ମହିଳା ହକି ଦଳ ଆଜି ଗ୍ରାଉଣ୍ଡରେ ନିଜର ଦମ୍ ଦେଖାଇବେ । ତେବେ ଦର୍ଶକମାନେ ବସି ଖେଳ ଦେଖିବା ପାଇଁ ଗ୍ୟାଲେରୀ, ପାର୍କିଂ ଓ ଟ୍ରାଫିକ ନିୟନ୍ତ୍ରଣ ବ୍ୟବସ୍ଥା କରାଯାଇଛି । ସୁରକ୍ଷାକୁ ଦୃଷ୍ଟିରେ ରଖି 15ପ୍ଲାଟୁନ ପୋଲିସ ଫୋର୍ସ ମୁତୟନ କରାଯାଇଛି ।
ଭିଡିଓ ସୌଜନ୍ୟ: ପ୍ରତିନିଧି, ଇଟିଭି ଭାରତ ତେବେ ହକି ପ୍ରେମୀଙ୍କୁ ଷ୍ଟାଡିୟମ ମଧ୍ୟକୁ ସାଥିରେ ଖୁଚୁରା କଏନ, ପାଣି ବୋତଲ, ସିଗାରେଟ,ବ୍ୟାଗ, ହେଲମେଟ୍, ମୃଦୁପାନୀୟ, ଖାଦ୍ୟ,ଧାତବୀୟ ପଦାର୍ଥ, ଲିପଷ୍ଟିକ, ଦିଆସିଲି, ବାଣ, ଦର୍ପଣ ଆଦି ନେବାକୁ ନିଷେଧ କରାଯାଇଛି । ତେବେ ଟିକେଟ ପଛରେ ଦର୍ଶକମାନଙ୍କୁ ଏହି ତଥ୍ୟ ମିଳିପାରିବ । ଏଥିପ୍ରତି ଧ୍ୟାନ ଦେବାକୁ ଅନୁରୋଧ କରାଯାଇଛି ।
ଜନସାଧାରଣଙ୍କ ସୁବିଧା ଓ ସୁଗମନାଗମନ ପାଇଁ କମିଶନରେଟ ପୋଲିସର କଟକଣା ଜାରି ଏଥିସହ ଜନସାଧାରଣଙ୍କ ସୁବିଧା ଓ ସୁଗମନାଗମନ ପାଇଁ କମିଶନରେଟ ପୋଲିସ କିଛି କଟକଣା ଜାରି କରିଛି ।
- ଶାସ୍ତ୍ରୀ ନଗର ଓ ଜୟଦେବ ବିହାର ଛକ ମଧ୍ୟରେ ବିଦ୍ୟୁତ ମାର୍ଗରେ କୌଣସି ଅନାଧିକୃତି ଗାଡି ଯାତାୟାତ କରିବାକୁ ମନାକରାଯାଇଛି ।
- 120 ବାଟାଲିୟନରୁ ଆସୁଥିବା ଗାଡି ଗୁଡିକୁ ଶାସ୍ତ୍ରୀ ନଗର ଛକ ଠାରୁ ସଚିବାଳୟ ରାସ୍ତାଦେଇ ଯିବାକୁ ପଡିବ ।
- କଳିଙ୍ଗ ଷ୍ଟାଡିୟମ ପଟୁ ଆସୁଥିବା ଗାଡିକୁ ଜୟଦେବ ବିହାର ଛକ ଠାରୁ ଆଚାର୍ଯ୍ୟ ବିହାର ପଟକୁ ଯିବାକୁ ନିର୍ଦ୍ଦେଶ ଦିଆଯାଇଛି ।
- ସେହିପରି ବାଣୀବିହାର ପଟୁ ଆସୁଥିବା ଗାଡିକୁ ଜୟଦେବ ବିହାର ଛକ ଠାରୁ ଆଚାର୍ଯ୍ୟ ବିହାର ପଟକୁ ଯିବାକୁ ହେବ । ସେମାନଙ୍କୁ କଳିଙ୍ଗ ଷ୍ଟାଡିୟମ ପଟକୁ ଛଡାଯିବ ନାହିଁ ।
- ଦର୍ଶକମାନେ 3ନମ୍ବର ଗେଟ୍ ଦେଇ ପ୍ରବେଶ କରିବେ ଓ ସେଠାରେ ସ୍ଲାଇଡିଂ ଗେଟ୍ E ବ୍ୟବହାର କରି ଗାଡି ପାର୍କିଂ କରିବେ ।
- ଏଜି କଲୋନୀ ଆଡୁ ଆସୁଥିବା ଦର୍ଶକମାନେ ଫୁଟ ଓଭର-ବ୍ରିଜ ବ୍ୟବହାର କରି ଷ୍ଟାଡିୟମରେ ପ୍ରବେଶ କରିବେ । ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
