ମେଲବର୍ଣ୍ଣ: ଅଷ୍ଟ୍ରେଲିଆ ମହିଳା ହକି ଦଳ ମୁଖ୍ୟ କୋଚ ପଦରୁ ପାଉଲ ଗଡୱିନଙ୍କ ଇସ୍ତଫା। ଅଷ୍ଟ୍ରେଲିଆ ହକିରେ ସଂସ୍କାର ନଥିବା ଅଭିଯୋଗ କରି ସେ ନିଜ ପଦରୁ ଇସ୍ତଫା ଦେଇଛନ୍ତି। ଟୋକିଓ ଅଲିମ୍ପିକ୍ସକୁ ମାତ୍ର 4ମାସ ବାକି ଥିବା ବେଳେ ଅଷ୍ଟ୍ରେଲିଆ ମହିଳା ହକିଦଳ ମୁଖ୍ୟକୋଚ ପଦରୁ ଇସ୍ତଫାକୁ ନେଇ ଚିନ୍ତାରେ ରହିଛନ୍ତି ଅଷ୍ଟ୍ରେଲିଆ ହକି ଫେଡେରେସନ। ବୁଧବାର ବିଳମ୍ବିତ ରାତିରେ ଏହାକୁ ନେଇ ସୂଚନା ଦେଇଛନ୍ତି ପାଉଲ ଗଡୱିନ।
ପାଉଲ ଗଡୱିନ ଅନ୍ୟ କେଉଁ କାରଣରୁ ଇସ୍ତଫା ଦେଇଛନ୍ତି ସେନେଇ କୌଣସି ତଥ୍ୟ ହକି ଅଷ୍ଟ୍ରେଲିଆ ସର୍ବସମ୍ମୁଖରେ ପ୍ରକାଶ କରି ପାରିବ ନାହିଁ ବୋଲି କହିଛି। ପାଉଲ ଗଡୱିନ 1996ରେ ଆଟଲାଣ୍ଟା ଓ 2000 ମସିହାରେ ସିଡନୀରେ ବ୍ରୋଞ୍ଜ ପଦକ ହାସଲ କରିଛନ୍ତି। ସେ 2016 ମସିହାରେ ଅଷ୍ଟ୍ରେଲିଆ ମହିଳା ହକି ଦଳର କୋଚ ଭାବରେ ଦାୟିତ୍ବ ନେଇଥିଲେ।