ପ୍ରିମିୟର ଲିଗ: ଲଗାତାର 4ର୍ଥ ବିଜୟ, ମାଞ୍ଚେଷ୍ଟର ୟୁନାଇଟେଡର ରେକର୍ଡ

ପ୍ରିମିୟର ଲିଗ ଇତିହାସରେ 3 କିମ୍ବା ଅଧିକ ଗୋଲରେ କ୍ରମାଗତ 4ଟି ମ୍ୟାଚରେ ବିଜୟୀ ହେବାର ରେକର୍ଡ କରିଛି ମାଞ୍ଚେଷ୍ଟର ୟୁନାଇଟେଡ। ଏହି ସଫଳତା ଶେଷ ଟିମ ଭାବେ ବର୍ଷ 1987 ଅକ୍ଟୋବରରେ ଲିଭରପୁଲକୁ ମିଳିଥିଲା ।

ବର୍ମିଂହାମ: ଚଳିତ ପ୍ରିମିୟର ଲିଗ ଫୁଟବଲ ସିଜିନରେ ମାଞ୍ଚେଷ୍ଟର ୟୁନାଇଟେଡର ଆଉ ଏକ ଏକତରଫା ବିଜୟ । ଆଷ୍ଟନ ଭିଲା ବିପକ୍ଷ ମ୍ୟାଚରେ 3-0 ଗୋଲରେ ବିଜୟୀ ହୋଇଛି ମାଞ୍ଚେଷ୍ଟର ।

ଏଥିସହିତ ପ୍ରିମିୟର ଲିଗ ଇତିହାସରେ 3 କିମ୍ବା ଅଧିକ ଗୋଲରେ କ୍ରମାଗତ 4ଟି ମ୍ୟାଚରେ ବିଜୟୀ ହେବାର ରେକର୍ଡ କରିଛି । ଏହି ସଫଳତା ଶେଷ ଟିମ ଭାବେ ବର୍ଷ 1987 ଅକ୍ଟୋବରରେ ଲିଭରପୁଲକୁ ମିଳିଥିଲା । ଫଳରେ 33ବର୍ଷର ରେକର୍ଡ ସହ ସମକକ୍ଷ ହୋଇଛି ।

ମାଞ୍ଚେଷ୍ଟର ପକ୍ଷରୁ ମ୍ୟାଚର 27ତମ ମିନିଟରେ ବ୍ରୁନୋ ଫର୍ଣ୍ଣାଣ୍ଡୋ ଏକ ନେନାଲିଟିକୁ ଗୋଲରେ ପରିଣତ କରିଥିଲେ । ଏହାପରେ 2ୟ ଗୋଲ ମଧ୍ୟ ଫର୍ଣ୍ଣାଣ୍ଡୋଙ୍କ ପକ୍ଷକୁ ଆସିଥିଲା । ମ୍ୟାଚର 58ତମ ମିନିଟରେ ପୋଗବା ୟୁନାଇଡେଟ କ୍ଳବ ପକ୍ଷରୁ 3ଟ ଗୋଲ କରିଥିଲେ । ଆଷ୍ଟନ ଭିଲା ସମସ୍ତ ପ୍ରୟାସ ସତ୍ତ୍ବେ ଗୋଲ ଶୂନ୍ୟ ରହିଥିଲା ।

ବ୍ୟୁରୋ ରିପୋର୍ଟ, ଇଟିଭି ଭାରତ