ଲଣ୍ଡନ: ଇଂଲିସ ଫୁଟବଲ ଲିଗର ଆରମ୍ଭ ପୂର୍ବରୁ ଆଉ ଦୁଇଜଣ କୋରୋନା ପଜିଟିଭ ଚିହ୍ନଟ ହୋଇଛନ୍ତି । ଏନେଇ ପ୍ରିମିୟର ଲିଗ ପକ୍ଷରୁ ଘୋଷଣା କରାଯାଇଛି ।
ଜୁନ 11 ଓ ଜୁନ 12ରେ ମୋଟ 1,200 ଖେଳାଳି ଓ ଷ୍ଟାଫଙ୍କ ଟେଷ୍ଟ କରାଯାଇଥିଲା। ସେଥିମଧ୍ୟରୁ ଦୁଇଟି କ୍ଳବର2ଜଣ ସଦସ୍ୟ ପଜିଟିଭ ଥିବା ଜଣାପଡିଛି । ଦୁଇ ପଜିଟିଭଙ୍କ ମଧ୍ୟରୁ ଜଣେ ଖେଳାଳି ନୱରିଚ ସିଟିର ହୋଇଥିବା କ୍ଳବ ପକ୍ଷରୁ ସ୍ପଷ୍ଟ କରାଯାଇଛି । ପଜିଟିଭ ଜଣାପଡିବା ପରେ ତାଙ୍କୁ 7 ଦିନ ସେଲ୍ଫ ଆଇସୋଲେସନରେ ରଖାଯାଇଛି । ରିପୋର୍ଟ ନିଗେଟିଭ ଆସିବା ପରେ ହିଁ ଉକ୍ତ ଖେଳାଳି ଅଭ୍ୟାସକୁ ଫେରିପାରିବେ ବୋଲି ନୱରିଚ ସିଟି ପକ୍ଷରୁ କୁହାଯାଇଛି ।