ଭୁବନେଶ୍ବର: ରବିବାର ହାଇଭୋଲ୍ଟେଜ୍ ଫୁଟବଲ ମ୍ୟାଚରେ ପରାଜିତ ହୋଇଛି ରାଜ୍ୟର ମନ୍ତ୍ରୀମାନଙ୍କୁ ନେଇ ଗଠିତ ଲିଡର୍ସ ଏକାଦଶ । ଫାଇନାଲ ମ୍ୟାଚରେ ଲିଡର୍ସ ଏକାଦଶକୁ 3-0 ଗୋଲରେ ହରାଇ ଚମ୍ପିଆନ ହୋଇଛି ଟାଟା ଷ୍ଟିଲ ଏକାଦଶ । ସ୍ଥାନୀୟ କଳିଙ୍ଗ ଷ୍ଟାଡିୟମରେ ଖେଳାଯାଇଛି ଏହି ବନ୍ଧୁତ୍ବପୂର୍ଣ୍ଣ ଫୁଟବଲ ମ୍ୟାଚ ।
ଭିଡିଓ ସୌଜନ୍ୟ- ସମ୍ବାଦଦାତା, ଭୁବନେଶ୍ବର
ତେବେ ଆଜିର ପ୍ରାରମ୍ଭିକ ମ୍ୟାଚରେ ମିଡିଆ ଏକାଦଶକୁ ସାମ୍ନା କରିଥିଲ ଲିଡର୍ସ ଏକାଦଶ । ଲିଡର୍ସ ଏକାଦଶର ଖେଳାଳି ତଥା କୃଷିମନ୍ତ୍ରୀ ଅରୁଣ ସାହୁ ଦଳ ପକ୍ଷରୁ ସର୍ବାଧିକ ୨ଟି ଗୋଲ ଦେଇଥିଲେ । ସେହିପରି ପ୍ରଭୁ ଜୈନ ଗୋଟିଏ ଗୋଲ ଦେଇଥିଲେ । ବଦଳରେ ମିଡିଆ ଏକାଦଶର ବିକାଶ ମାରାଣ୍ଡି ଦୁଇଟି ଗୋଲ ଦେଇଥିଲେ । ଫଳରେ 3-2ଗୋଲରେ ମ୍ୟାଚ ହାତେଇ ଥିଲା ଲିଡର୍ସ ଏକାଦଶ ।