ହାଇଦ୍ରାବାଦ: ଫିଫା ଯୋଗ୍ୟତା ପର୍ଯ୍ୟାୟ ମ୍ୟାଚ ପୂର୍ବରୁ ଅଧିନାୟକ ସୁନୀଲ ଛେତ୍ରୀଙ୍କ ବଡ ବୟାନ । ଟିମ୍ ମୋ ଉପରେ ନିର୍ଭରଶୀଳ ନୁହେଁ । ଏପରି କହିଛନ୍ତି ଅଧିନାୟକ ଛେତ୍ରୀ ।
ଭାରତ ଆଜି ବାଂଲାଦେଶ ବିପକ୍ଷରେ ଫୁଟବଲ ବିଶ୍ବକପ ଯୋଗ୍ୟତା ପର୍ଯ୍ୟାୟ ମ୍ୟାଚ ଖେଳିବ । ଏହି ସମୟରେ ଅଧିନାୟକ ଛେତ୍ରୀ ମତ ରଖିଛନ୍ତି ଯେ, ଟିମରେ ଅନେକ ଖେଳାଳି ଅଛନ୍ତି ଯେଉଁମାନେ ତାଙ୍କ ଠାରୁ ଭଲ ପ୍ରଦର୍ଶନ କରିବାରେ ସକ୍ଷମ ।
ସେ ମ୍ୟାଚକୁ ନେଇ କହିଛନ୍ତି, ଏହି ମ୍ୟାଚ ଭାରତ ବନାମ ବାଂଲାଦେଶ ମୁକାବିଲା ହେବ । ଟିମ୍ରେ ସାମିଲ 23ଜଣ ଖେଳାଳିଙ୍କ ମଧ୍ୟରେ ମୁଁ ବି ଜଣେ । ମୁଁ ଟିକେ ଭାଗ୍ୟଶାଳୀ କାରଣ ମୋ ପାଖରେ ବେଶୀ ଅଭିଜ୍ଞତା ଅଛି । ଖେଳାଳିମାନେ ମୋ ଉପରେ ଅତିଶୟ ନିର୍ଭରଶୀଳ ନୁହଁନ୍ତି । ଆମେ ଗୋଟିଏ ଟିମ । ଟିମ ଭଳି ଆମେ ଖେଳୁ ।
ସୂଚନାମୁତାବକ, ଛେତ୍ରୀଙ୍କ ଅନୁପସ୍ଥିତିରେ ଗୁରପ୍ରୀତ ସିଂ ସାନ୍ଧୁ କାତାର ବିପକ୍ଷରେ ଶାନଦାର୍ ପ୍ରଦର୍ଶନ କରି ଏହି ଟୁର୍ଣ୍ଣାମେଣ୍ଟରେ ଭାରତକୁ ପ୍ରଥମ ପଏଣ୍ଟ ହାସଲ କରାଇବାରେ ସକ୍ଷମ ହୋଇଛନ୍ତି ।