ଭୁବନେଶ୍ବର: ଇଣ୍ଡିଆନ ସୁପର ଲିଗ୍ ଟିମ ଓଡିଶା ଏଫସି ସ୍ପାନିସ ଫୁଟବଲ କିମ୍ବଦନ୍ତୀ ଡେଭିଡ ଭିଲାଙ୍କୁ କିଣି ସ୍କ୍ବାଡରେ ସାମିଲ କରିଛି । ଭିଲା କୋଚିଂ ଷ୍ଟାଫ୍ଙ୍କ ପାଇଁ ପରାମର୍ଶଦାତା ଓ ବରିଷ୍ଠ, ଯୁବ ଖେଳାଳିଙ୍କ ପାଇଁ ମାଗଦର୍ଶକ ହେବାପାଇଁ କ୍ଲବ ଲକ୍ଷ୍ୟ ରଖିଛି ।
କ୍ଲବର ଫୁଟବଲ କମିଟିରେ କିମ୍ବଦନ୍ତୀ ଫୁଟବଲ ଖେଳାଳି ଡେଭିଡ ଭିଲା ସାମିଲ ହୋଇଥିବା ଏକ ଘୋଷଣାନାମାରେ ଓଡିଶା ଏଫସି କ୍ଲବ ପକ୍ଷରୁ କୁହାଯାଇଛି ।
39 ବର୍ଷୀୟ ଭେଟେରାନ ଅନ୍ୟତମ ସର୍ବକାଳୀନ ସ୍ପାନିସ ଷ୍ଟ୍ରାଇକର ରହିଛନ୍ତି ।
ଓଡିଶା ଏଫସିରେ ସାମିଲ ହେବାପରେ ଭିଲା କହିଛନ୍ତି, "ଭାରତରେ ଖେଳିନାହିଁ କିନ୍ତୁ ପ୍ରାୟ 20 ବର୍ଷରୁ ଅଧିକ ସମୟ ପେଷାଦାର ଫୁଟବଲ ଖେଳିଛି । ଫଳରେ ସମସ୍ତ ଅଭିଜ୍ଞତା କ୍ଳବର ଉତ୍ତମ ପ୍ରଦର୍ଶନରେ ସହାୟକ ହେବ ।"
ଦକ୍ଷିଣ ଆଫ୍ରିକାରେ 2010 ଫୁଟବଲ ବିଶ୍ବକପ ବିଜୟୀ ସ୍ପେନ ଓ ଅଷ୍ଟ୍ରିଆ-ସ୍ବିଜରଲ୍ୟାଣ୍ଡରେ 2008 ୟୁରୋପିଅନ ଚମ୍ପିଆନ ଟିମର ବିଜୟୀ ସଦସ୍ୟ ରହିଛନ୍ତି । ଲା ଲିଗା ଓ ଚମ୍ପିଆନ୍ସ ଲିଗ ଟାଇଟେଲ ଜିତିଥିବା ବାର୍ସେଲୋନା ଏଫସିର ମଧ୍ୟ ପ୍ରମୁଖ ସଦସ୍ୟ ରହିଥିଲେ ।
ବ୍ୟୁରୋ ରିପୋର୍ଟ, ଇଟିଭି ଭାରତ