ଜୁନରେ ସିରିଏ ଏ' ଆରମ୍ଭ: ଇଟାଲି କ୍ରୀଡାମନ୍ତ୍ରୀ

ଇଟାଲିରେ ଖୁବଶ୍ରୀଘ୍ର ଫେରୁଛି ଫୁଟବଲ । ଲୋକପ୍ରିୟ ଫୁଟବଲ ଲିଗ ସିରିଏ ଏ' ଜୁନ 13 କିମ୍ବା 20ରୁ ଆରମ୍ଭ ହେବ ବୋଲି କହିଛନ୍ତି ଇଟାଲି କ୍ରୀଡାମନ୍ତ୍ରୀ ଭିନସେଞ୍ଜୋ ସ୍ପାଦାଫୋରା ।

ରୋମ୍: ବିଶ୍ବବ୍ୟାପୀ କୋରୋନା ଭାଇରସର ପ୍ରଭାବ କମ ହୋଇନାହିଁ । ମାତ୍ର ସଂକ୍ରମଣ ଭୟ ସତ୍ତ୍ବେ ପଡିଆକୁ ଫେରିବାକୁ ଯାଉଛି କ୍ରୀଡାଜଗତ ।

ସଦ୍ୟ ସୂଚନା ଅନୁଯାୟୀ ଇଟାଲିରେ ଖୁବଶ୍ରୀଘ୍ର ଫେରୁଛି ଫୁଟବଲ । ଲୋକପ୍ରିୟ ଫୁଟବଲ ଲିଗ ସିରିଏ ଏ' ଜୁନ 13 କିମ୍ବା 20ରୁ ଆରମ୍ଭ ହେବ ବୋଲି କହିଛନ୍ତି ଇଟାଲି କ୍ରୀଡାମନ୍ତ୍ରୀ ଭିନସେଞ୍ଜୋ ସ୍ପାଦାଫୋରା ।

କୋରୋନା ଭାଇରସସ ସଂକ୍ରମଣ କାରଣରୁ ସିରିଏ ଏ' ଗତ ମାର୍ଚ୍ଚ ମାସରୁ ବାତିଲ ଘୋଷଣା କରାଯାଇଥିଲା । ତେବେ ଜର୍ମାନ ଫୁଟବଲ ଲିଗ ବୁନ୍ଦେସଲିଗା ସଫଳତାର ସହ ଫେରିବା ପରେ, ସିରିଏ ଏ ଆରମ୍ଭ ନେଇ ସମ୍ଭାବନା ବୃଦ୍ଧି ପାଇଛି । ଏନେଇ ଇଟାଲିଆନ ଫୁଟବଲ ଫେଡେରେସନ ମଧ୍ୟ ସ୍ପଷ୍ଟ କରିଛି । ଅଗଷ୍ଟ 2020 ସୁଦ୍ଧା ଚଳିତ ବର୍ଷର ସିରିଏ ଏ ସିଜିନ ଶେଷ ନେଇ ଲକ୍ଷ୍ୟ ରହିଛି ।